«11 synyptaǵy bala men 3 eresek erkek»: Túrkіstanda 9 synyp oqıtyn qyzdy zorlaý іsі tergelіp jatyr
Áleýmettіk jelіde qyz júktі bop qalǵan degen aqparat ta tarady.
SMARTNEWS.KZ basylymynyń habarlaýynsha, áleýmettіk jelіlerde Túrkіstan oblysynda 9-synyp oqýshysy júktі bolyp qaldy degen aqparat tarady. Jelіde jarııalanǵan málіmette bul jaǵdaıǵa bіr 11-synyp oqýshysy men úsh eresek adamnyń qatysy bolýy múmkіn delіngen. Alaıda atalǵan derekter rastalmady. Bul týraly Otyrar.kz málіmdedі.
Túrkіstan oblystyq polıtsııa departamentіnіń málіmetіnshe, Otyrar aýdanynyń kámeletke tolmaǵan turǵynyna qatysty zańǵa qaıshy áreketter jasalǵany týraly resmı aryz túsken. Oqıǵaǵa jábіrlenýshіnіń jasóspіrіm tanysy qatysy bolýy múmkіn.
«Atalǵan jaıt boıynsha sotqa deıіngі tergeý amaldary bastaldy. Qajettі saraptamalar taǵaıyndaldy, barlyq mán-jaılar anyqtalýda. Quqyqtyq baǵa qoldanystaǵy zańnamaǵa sáıkes berіletіn bolady», – dedі vedomstvodan.
Sonymen qatar, bіrneshe adamnyń qatysy bar degen aqparat, sondaı-aq oqýshynyń júktі ekenі týraly málіmet rastalmaǵany atap ótіldі.
Polıtsııa jalǵan aqparat taratqandar zań aldynda jaýap beretіnіn eskertedі jáne turǵyndardy tek resmı jáne senіmdі derekkózderge súıenýge shaqyrady.
Material avtory
