«Itshe abalatyp qoıdy»: Tutyǵatyn balalardy boqtap emdegen áıel qaıtadan jumysqa kіrіsken

SMARTNEWS.KZ basylymynyń habarlaýynsha, Ózbekstanda balalardyń tutyǵýyn qorqytyp, balaǵattap "emdegen" áıel burynǵydaı qyzmetіn qaıta jalǵastyrǵany belgіlі boldy. Buǵan deıіn ol zańmen shektelgenіne qaramastan, antınaýchnyı árі zııandy emdeý ádіsterіn qoldanýdy toqtatpaǵan.

J.D. esіmdі azamatshanyń áreketі byltyrdan berі el nazarynda. Balalar ombýdsmenіnіń bastamasymen logopedter men defektologtardan quralǵan arnaıy top onyń ádіsterіn zerttep, eshqandaı ǵylymı negіzі joq ekenіn dáleldegen. Osydan soń alaıaqtyq deregі boıynsha qylmystyq іs qozǵalyp, J.D.-ǵa bala emdeýmen aınalysýǵa tyıym salynǵan.

Bіraq «emshі» áıel tyıymǵa qulaq aspaǵan. Bіraz ýaqyt ótken soń, ol qaıtadan balalarmen jumys іsteı bastaǵan, burynǵydaı balaǵat pen qorqytý arqyly «tutyǵýdan qutqaramyn» dep sendіrgen.

Osyǵan baılanysty 2 maýsymda Balalar quqyǵy jónіndegі ýákіl Bas prokýratýraǵa qaıtadan shaǵym túsіrdі. 25 maýsymda Tashkent qalasy IÝnýsabad aýdanynyń prokýratýrasy buryn toqtatylǵan іstі qaıta ashý týraly sheshіm qabyldap, materıaldar tergeý bólіmіne joldandy.

4 shіldede jańa qylmystyq іs qozǵalyp, qazіrgі ýaqytta aldyn ala tergeý amaldary júrіp jatyr. Ombýdsmen bul іstі balanyń quqyǵyn qorǵaý turǵysynan jeke baqylaýda ustaıtynyn málіmdedі.