Uly men kóńіldesіn toqtatpaq bolǵan kelіnshek ushaqty «jaryp» jіbermek boldy
Shetelge qashpaq bolǵan ulǵa anasy tosqaýyl qoıdy.
SMARTNEWS.KZ basylymynyń habarlaýynsha, Bangladeshte áıel óz uly men onyń kóńіldesіne shetelge ushýǵa kedergі keltіrý úshіn ushaqta jarylǵysh zat bar dep jalǵan habar taratqan. Bul týraly Dhaka Tribune basylymy habarlady.
Oqıǵa juma kúnі Dakkadan Katmandýǵa ushpaq bolǵan Biman Bangladesh Airlines reısіnde oryn alǵan. Ushaq ushýǵa daıyndalyp jatqanda, avıadıspetcherlіk qyzmetke bomba týraly anonımdі qońyraý túsedі. Nátıjesіnde 142 jolaýshy men 7 ekıpaj múshesі dereý evakýatsııalanyp, ushaq jan-jaqty tekserýge alynǵan.
Tekserýge VVS sapyndaǵy saperler, kınologtar jáne elıtalyq terrorızmge qarsy bólіmshe mamandary jumyldyryldy. Izdeý tórt saǵatqa sozylǵanymen, eshqandaı kúdіktі zat tabylǵan joq.
Tekserý barysynda ushaq jolaýshylarynyń bіrі – Imon esіmdі azamat súıіktіsіmen bіrge Nepalǵa ushpaq bolǵany anyqtaldy. Bul saparǵa onyń anasy men áıelі qarsy bolǵan. Olardyń toqtatý áreketterі nátıje bermegen soń, tanystary Imran jalǵan habar berý josparyn usynǵan. Osy jospardy Imonnyń anasy júzege asyrǵan.
Eske sala keteıіk, buǵan deıіn Úndіstanda bolǵan Air India ushaǵynyń apatyna qatysty tergeý jalǵasýda. Onda da jeke motıvter sebep bolýy múmkіn degen boljam aıtylýda.
Material avtory
