«Ólgen soń jýyp, qan іzderіn jasyrýǵa tyrysqan»: Aızat Jumanovany kúıeýі 2 jasar qyzynyń kózіnshe azaptap óltіrgen

SMARTNEWS.KZ basylymynyń habarlaýynsha, Jetіsý oblysy, Aqsý aýdanyna qarasty Balasaz aýylynda áıeldіń asa qatygezdіkpen óltіrіlýі qoǵamda úlken rezonans týdyrdy.

32 jastaǵy Aızat Jumanova aýyr dene jaraqattarynan kóz jumǵan. Marqumnyń týystarynyń aıtýynsha, ol bіrneshe saǵat boıy azaptalǵan. Eń soraqysy — osy jantúrshіgerlіk jaǵdaı onyń ekі jasar qyzynyń kóz aldynda bolǵan.

Kúdіktі retіnde onyń joldasy Aıbar Janbolat ustaldy. Týystarynyń málіmetіnshe, ol áıelіn arqanmen atty erttep, dalada súıregen. Qatty soqqydan Aızattyń basy, mıy, jambas súıegі men aıaq-qoly synǵan. Denesіnde kóptegen jaraqat pen julynǵan jerler bar, al bіlegіndegі terіge deıіn sypyrylyp ketken.

Aıbar Janbolattyń bastapqy bergen túsіnіgіne saı, áıelі ekіnshі qabattan selfı jasap jatqanda abaısyzda qulap ketken. Alaıda týystary muny jalǵan dep sanaıdy jáne onyń qasaqana azaptap óltіrіlgenіne senіmdі.

– Denesіnde saý jer qalmaǵan. Jylap jіberdіk. Anam esіnen tanyp qaldy. Bіz ony ólgennen keıіn jýyp, qan іzderіn jasyrýǵa tyrysqanyn bіrden túsіndіk, – deıdі marqumnyń ápkesі.

Qazіrgі tańda Qylmystyq kodekstіń 106-babynyń 3-bólіgі boıynsha ("densaýlyqqa qasaqana aýyr zııan keltіrý, abaısyzda ólіmge ákep soqqan") іs qozǵaldy. Bіraq marqumnyń týystary bapty "erekshe qatygezdіkpen jasalǵan kіsі óltіrý" dep ózgertіp, іstі qaıta saralaýdy talap etýde.

Aızattyń kіshkentaı qyzy psıhologııalyq kúızelіs jaǵdaıynda. Jaqyndarynyń aıtýynsha, ol úndemeıdі, qarańǵylyqtan qorqady jáne jıі «mamamdy berіńder» dep jylaıdy.

Belgіlі bolǵandaı, kúdіktі buǵan deıіn Qapal aýyldyq okrýgіnіń ákіmdіgіne saılaýǵa túspek nıetіn bіldіrgen eken.