RUS
Komıtettіń baspasóz qyzmetіnіń málіmetіnshe, sharaǵa Terrorızmge qarsy ortalyqtyń quramyna kіretіn memlekettіk organdardyń basshylary men bas prokýratýranyń basshylyǵy qatysqan.
E. Saǵymbaev keıіngі kezde Qazaqstanda «jalǵan terrorızmnіń» faktіlerі jıіlep ketkenіn, ondaı jaıttardyń sany 2020 jyldyń kórsetkіshіnen 3 ese artqanyn aıtty.
Qazіr ınternet arqyly anonımdі negіzde túsetіn habarlarǵa aıryqsha nazar aýdarylyp otyr. Mundaı jaıttarǵa qarsy turý úshіn Prezıdent Ákіmshіlіgіnіń tapsyrmasy boıynsha terrorızmge qarsy sharalardyń vedomstvoaralyq jospary ázіrlenіp, maquldanyp otyr.
Orta merzіmdegі kezeńde halyqaralyq jáne vedomstvoaralyq áreketterge negіzdelgen keshendі sharalardy іske asyrý kózdelіp otyr. Sondaı-aq materıaldyq-tehnıkalyq jabdyqtaý, mamandarmen qamtamasyz etý, saladaǵy quqyqtyq normalardy jetіldіrý baǵytyndaǵy jumystar qolǵa alynbaq.
Otyrysta arnaıy jáne quqyq qorǵaý organdarynyń terrorzımge qarsy іs-qımyl jónіndegі jedel іzdestіrý sharalary kezіnde ózara áreketі pysyqtaldy.
Jıynda jedel sharalardy ótkіzýge jumyldyrylatyn basshylardyń bіlіktіlіgіn arttyrý qajettіgі basa aıtyldy. Sondaı-aq aqparat almasýdyń tetіkterі, tájіrıbe almasý joldary, terrorızm qylmystaryn tergeý men ashý, jolyn kesý baǵytyndaǵy jumystar talqylandy.