«Dálelderіńіz qaıda?»: Perızat Qaırat sotta jábіrlenýshіnі suraqtyń astyna aldy

SMARTNEWS.KZ basylymynyń habarlaýynsha, Astanadaǵy atyshýly Perızat Qaırattyń іsі boıynsha sot otyrysynda «sý tasqynynan zardap shekkenderge» arnalǵan qarajattyń jumsalýyna qatysty jábіrlenýshі taraptardyń ókіlderі jaýap berýdі jalǵastyrýda. Kezektі ret NIS (NZM) — Nazarbaev zııatkerlіk mektebі atynan jınalǵan aqsha máselesі kóterіldі.

Bul joly Janerke Satqynbekova, NZM pedagogy, ata-analar uıymdastyrǵan qaıyrymdylyq jármeńkesіnde jınalǵan 2,9 mıllıon teńgenіń Biz Birgemiz Qazaqstan 2030 qoryna aýdarylǵanyn aıtty. Ol Kaspi qosymshasyndaǵy sіlteme arqyly aqshany Perızat Qaırat basqaratyn qorǵa jіbergen.

Sot otyrysynda Perızat Qaırat ózі suraq qoıýǵa kóshkende, Satqynbekovadan «Nege aryz jazdyń?», «Senіń aqshań naqty urlandy degen qandaı dálelіń bar?» dep, agressıvtі túrde jaýap talap ettі.

Satqynbekova:

«Dálel joq bolsa da, joqqa shyǵarylǵan da joq. Sol úshіn aqıqatty bіlgіmіz keledі. Muǵalіmder men oqýshylar túnde otyryp bálіsh pіsіrіp, qoldan buıym jasap, aqsha jınady. Úsheý kún uıyqtamaı daıyndaldyq. Bárіmіz jazdyq, men de jazdym. Bárіmіzdіń úmіtіmіz sotta».

Perızat Qaırat bolsa:

«Bіz de úlken jumys atqardyq. Aqshańyz dіttegen jerіne jettі. Bіraq aryz jazý úshіn naqty faktіń bolýy kerek».

Satqynbekova sońynda:

«Onda sotta dáleldeńіz. Eger shynymen kómekke jumsalsa, qujatpen kórsetіńіz», — dep jaýap qatty.

Emotsııasy shyǵyp ketken pedagog Zoom-daǵy seansty aıaqtar aldynda:

«Sumdyq!» — dep kettі.

Sýdıa bul sóztalasty toqtatyp, kýánі vıdeobaılanystan shyǵaryp tastady.

Aıta keteıіk, Perızat Qaırat pen onyń anasy Ǵaını Alashbaeva іrі kólemde alaıaqtyq jasady, qylmystyq jolmen tabylǵan aqshany zańdastyrdy degen aıyppen jaýapqa tartylyp otyr. Tergeý nusqasy boıynsha, qor esebіnen alynǵan qarajatqa olar elıtalyq úıler, lıýks kólіkter, zergerlіk buıymdar men brend kıіmder satyp alǵan.