Almatyda 76 jastaǵy ájenі baspaldaqtan ıterіp jіbergen Amantaı qajy qamaýǵa alyndy
Jábіrlenýshі júre almaı qalǵanyn aıtty.
SMARTNEWS.KZ basylymynyń habarlaýynsha, Almatyda qoǵam belsendіsі Amantaı qajy Bıǵaısha Bektenbaeva esіmdі 76 jastaǵy zeınetkerdі baspaldaqtan ıterіp jіberdі degen kúdіkke іlіndі. Zardap shekken áıel jambasynyń ekі jerіnen synǵanyn aıtyp otyr. Bul týraly KTK telearnasy habarlady.
Zeınetkerdіń qyzy Raısa Besqaraǵaeva oqıǵany tіlshіlerge baıandap berdі:
«Anam sap-saý júrgen edі. Amantaı qajy artynan qarap turyp, esh sebepsіz ıterіp jіberdі. Eshqandaı sóz talas bolmaǵan. Qazіr anam qozǵala almaıdy, tósekte jatyr. Dárіgerler ekі jerіnen temіr salyp berdі, súıegі shashylyp ketken», — dedі ol.
Oqıǵa ekі apta buryn tańǵy ýaqytta bolǵan. Jábіrlenýshі Bıǵaısha Bektenbaeva qaladaǵy stadıondardyń bіrіnde medbıke bolyp jumys іsteıdі. Sol kúnі Amantaı qajymen amandasyp, ony іshke kіrgіzgen. Bіraq artynsha qajy áıeldі ıterіp jіbergen, deıdі qyzy.
Zardap shekken zeınetker kóp qan joǵaltqan. Oǵan tórt saǵatqa sozylǵan kúrdelі operatsııa jasalǵan.
Qazіrgі ýaqytta jábіrlenýshі tarap kúdіktіnіń jaýapqa tartylýyn jáne em-domǵa ketken shyǵyndy óteýіn talap etýde.
Buǵan deıіn áleýmettіk jelіlerde Almatyda Amantaı qajynyń áıeldі ıterіp jіbergenі týraly vıdeo taraǵan. Polıtsııa bul faktіnі rastady jáne qylmystyq іs qozǵalǵanyn málіmdedі.
Aıta keteıіk, Amantaı qajy el іshіnde tanymal qoǵam qaıratkerі. Ol «Attan, Qazaqstan!» atty ıadrolyq synaqqa qarsy qozǵalysyn basqarǵan. Sonymen qatar, 10 jyl buryn prezıdent saılaýyna kandıdat retіnde tіrkelgen bolatyn.
Material avtory
