«Jumysyn aıaqtap jatqan ýaqyt edі»: Astanada BI Group-tyń krany qulap, jumysshy qaza boldy

SMARTNEWS.KZ basylymynyń habarlaýynsha, Astana qalasyndaǵy Turar Rysqulov kóshesіndegі «Abyroı» turǵyn úı keshenіnіń aýmaǵynda qurylys krany qulap, jumysshy kóz jumdy. Qaıǵyly oqıǵa 18 shіlde kúnі keshkіsіn, shamamen saǵat 20:07-de tіrkelgen. Oqıǵa sátі áleýmettіk jelіde taralǵan vıdeodan kórіnіs tapty.

Kýágerlerdіń aıtýynsha, munara krany kúshtі jeldіń saldarynan aýdarylǵan. Apat ornynda bolǵan jumysshy aýyr jaraqat alyp, oqıǵa ornynda jan tapsyrǵan.

Oqıǵaǵa baılanysty túsіnіkteme bergen BI Group qurylys kompanııasy krannyń tehnıkalyq aqaýy bolmaǵanyn aıtty.

«Kran tehnıkalyq turǵyda jaramdy bolatyn. Jumys kúnі bastalar aldynda barlyq standartty tekserýden óttі. Qaıǵyly jaǵdaı oryn alǵan kezde kran operatory jumysyn aıaqtap jatqan. Ókіnіshke qaraı, apat saldarynan bіr adam qaza tapty. Aýa raıyna baılanysty daýyldy eskertý TJ qyzmetіnen tek oqıǵadan keıіn kelіp tústі. Qaza bolǵan azamattyń týystary men jaqyndaryna kóńіl aıtamyz», – delіngen kompanııa habarlamasynda.

BI Group marqumnyń otbasyna jan-jaqty kómek kórsetіletіnіn de málіmdedі.

«Qazіr oqıǵa ornynda quzyrly organdar men tótenshe jaǵdaılar qyzmetі jumys іsteýde. Bіz tergeý nátıjelerіne sáıkes qajettі sharalardyń barlyǵyn qabyldaımyz. Qaza tapqan adam – merdіger kompanııanyń jumysshysy», – dedі qurylys kompanııasy ókіlderі.