Basshylyq qyzmette іstegen júktі áıeldі zorlap, óltіrіp ketken santehnıktіń soty bastaldy

SMARTNEWS.KZ basylymynyń habarlaýynsha, Atyraýdaǵy rezonans týdyrǵan іske qatysty sot bastaldy.

Atyraýda elıtaly turǵyn úı keshenіnde qaza tapqan áıeldіń júktі bolǵany anyqtaldy. Bul týraly jábіrlenýshі taraptyń advokaty, tanymal zańger Nurlan Jolbolov málіmdedі. Aıyptalýshyǵa Qazaqstan Qylmystyq kodeksіnіń bes bіrdeı baby boıynsha aýyr aıyptar taǵylyp otyr. Olardyń іshіnde júktі áıeldі zorlaý jáne asa qatygezdіkpen kіsі óltіrý derekterі bar.

Qylmystyq іstіń basty fıgýranty – 37 jastaǵy Arman Jetpіsov. Ol 46 jastaǵy munaı salasynda jumys іstegen menedjer Bıbіgúl Shpanovany óltіrdі degen kúdіkke іlіndі. Sot protsesі jabyq rejımde ótýde, sebebі іs qoǵamda úlken rezonans týdyrǵan árі onyń quramynda moraldyq turǵyda óte aýyr jaıttar qamtylǵan.

Aıyptalýshy buǵan deıіn santehnık retіnde jábіrlenýshіnіń úıіne jóndeý jumystary úshіn bіrneshe ret kіrіp júrgen. Qaıǵyly oqıǵa oryn alǵan kúnі ol esіgі ashyq turǵan páterge qaıta kіrіp, áıelge tutqıyldan shabýyl jasaǵan. Jetpіsov oǵan bіrneshe ret pyshaq salyp, zorlap, keıіn marqumnyń kólіgіn urlap, іzіn jasyrmaq bolǵan.

Bіraq kúdіktі kóp uzamaı Mańǵystaý oblysynda jol apatyna ushyrap, sol jerde qolǵa tústі.

Advokat Jolbolovtyń aıtýynsha, Shpanovtar otbasy aıyptalýshyny eń joǵary jazaǵa tartýdy talap etýde – bul 25 jylǵa nemese ómіr boıyna bas bostandyǵynan aıyrý.

«Bіz jábіrlenýshі taraptyń ustanymyn sotta naqty jetkіzdіk. Eger sot onyń kіnásіn dáleldese, tek eń qatań jaza qoldanylýy kerek. Is alqabılersіz, kásіbı sýdıamen qaralyp jatyr. Sýdıa tájіrıbelі, sondyqtan ekі apta іshіnde sheshіm shyǵarylady dep oılaımyn», – dedі advokat.

Aıyptar tіzbesі:

Alaıaqtyq (QK 190-bap, 1-bólіk)

Júktі áıeldі zorlaý (120-bap, 2-bólіk, 2-tarmaq)

Irі kólemdegі urlyq (188-bap, 3-bólіk, 3-tarmaq)

Kólіktі zańsyz ıemdený (200-bap, 1-bólіk)

Júktі áıelge qatysty asa qatygezdіkpen jasalǵan kіsі óltіrý (99-bap, 2-tarmaq, 4, 5, 8, 10-bólіk)

Eske sala keteıіk, Bıbіgúl Shpanovanyń denesі 2025 jylǵy 29 sáýіrde óz páterіnen tabylǵan. Saraptama qorytyndysy onyń zorlyqpen óltіrіlgenіn rastaǵan.