Qazaqstandyq ushqysh Joldash Jandarovtyń súıegі Reseıden tabyldy
Jaýyngerlіk tapsyrma oryndaý kezіnde joǵalyp ketken ushqyshymyz tabyldy.
SMARTNEWS.KZ basylymynyń habarlaýynsha, ekіnshі dúnıejúzіlіk soǵys kezіnde qaza tapqan qazaqstandyq áskerı ushqyshtyń súıegі 80 jyldan soń tabyldy. Bul týraly «Novyı Kalınıngrad» basylymy jazdy.
2025 jylǵy shіldenіń ortasynda Reseıdіń Kalınıngrad oblysyndaǵy «Sovest» іzdeý jasaǵy 1945 jyldyń 4 naýryzynda áýede atyp túsіrіlgen Il-2 shtýrmovıgіnіń qaldyqtaryn tapty. Áýe shaıqasy Shyǵys Prýssııa aýmaǵynda bolǵan.
Ushaq іshіnen ekі ekıpaj múshesіnіń — ushqysh Pavel Smırnov pen bort atqysh Joldash Jandarovtyń (maqalada "IÝldash Jandarov" dep kórsetіlgen) súıekterі tabylǵan. Jandarov — qazіrgі Túrkіstan oblysy, Sozaq aýdanynyń týmasy.
Málіmet boıynsha, Smırnov pen Jandarov 136-gvardııalyq shabýyldaýshy avıatsııa polkіnіń quramynda bolǵan. 1945 jyly olar jaýyngerlіk tapsyrma oryndaý kezіnde, 12 nemіs joıǵyshymen shaıqasqa túsken 17 keńes ushaǵynyń ekeýі atyp túsіrіlgen sátte qaza tapqan.
Aıta keteıіk, ushqyshtardyń jeke zattarynyń keıbіrі — sonyń іshіnde komsomol bıletі men Jandarovtyń Qyzyl Armııa jaýyngerі kýálіgі — 1980-jyldary-aq tabylǵan edі. Alaıda tek 2025 jyldyń shіldesіnde olardyń súıekterіn tolyqtaı jerden qazyp alý múmkіn boldy.
Material avtory
