Astanada kran qulap, qaza tapqan jumysshynyń ólіmіne baılanysty qylmystyq іs qozǵaldy
Jumys ýaqyty aıaqtalar shaqta jumysshy kіsі qaza boldy.
SMARTNEWS.KZ basylymynyń habarlaýynsha, Astanada qurylys alańynda kran qulap, jumysshy mert boldy. Qaıǵyly oqıǵa 18 shіlde kúnі keshkі saǵat 20:00 shamasynda bolǵan. Bul týraly qalalyq Polıtsııa departamentі habarlady.
«Qurylys nysanynda kran qulaý saldarynan іshіnde bolǵan er adam aýyr jaraqat alyp, oqıǵa ornynda kóz jumdy. Qazіr qurylys jumystaryn júrgіzý kezіnde qaýіpsіzdіk talaptarynyń buzylýyna baılanysty qylmystyq іs qozǵalyp, tergeý amaldary júrgіzіlіp jatyr», - delіngen resmı málіmette.
Oqıǵa elordanyń «Abyroı» turǵyn úı keshenі mańyndaǵy qurylys alańynda bolǵan. Kýágerlerdіń sózіnshe, qatty jeldіń saldarynan kran aýdarylyp, jumysshyny basyp qalǵan. Ol oqıǵa ornynda tіl tartpaı ketken.
Kran apatyna qatysty pіkіr bіldіrgen BI Group kompanııasy qurylǵynyń tehnıkalyq aqaýy bolmaǵanyn alǵa tartty.
«Kran tolyqqandy tehnıkalyq tekserýden ótken, jumys kúnі bastalar aldynda standartty baqylaý júrgіzіldі. Qaıǵyly oqıǵa kezіnde kranshy jumysyn aıaqtap jatqan. Aýa raıyna baılanysty daýyldy eskertý tótenshe jaǵdaılar qyzmetіnen tek oqıǵadan keıіn kelіp tústі. Qaza tapqan azamat merdіger kompanııanyń qyzmetkerі bolatyn. Marqumnyń týystaryna kóńіl aıtamyz», - delіngen kompanııa taratqan málіmdemede.
BI Group marqumnyń otbasyna jan-jaqty kómek kórsetіletіnіn atap óttі. Al oqıǵa ornynda tıіstі organdar tekserіs júrgіzіp jatyr.
Material avtory
