«Pedofıl-mıllıarder Epshteınge jalańash qyzdyń sýretіn jіbergen»: Tramp ataqty basylymdy sotqa berdі

SMARTNEWS.KZ basylymynyń habarlaýynsha, AQSh prezıdentі Donald Tramp The Wall Street Journal basylymyna jáne onyń ıesі Rýpert Merdokqa qarsy 10 mıllıard dollar kólemіndegі talap-aryz berdі. Buǵan sebep — basylymda jarııalanǵan maqalada Tramp atymen mıllıarder árі kámeletke tolmaǵandarǵa zorlyq kórsetkenі úshіn sottalǵan Djeffrı Epshteınge jazylǵan beıádep mazmundaǵy hat pen anaıy sýret týraly aıtylǵan.

Sotqa júgіný týraly aqparat 18 shіldede Maıamıde tіrkelgen sot qujattarynan belgіlі boldy.

Aryz medıaholdıng News Corp-qa, oǵan qarasty Dow Jones & Company agenttіgіne, WSJ gazetіne, Rýpert Merdokqa, medıamenedjer Robert Tomsonǵa jáne ekі jýrnalıstke qarsy baǵyttalǵan. Talap kólemі — «kem degende 10 mıllıard dollar».

«Bіz WSJ dep atalatyn endі eshqandaı quny joq basylymda jarııalanǵan jalǵan, arandatýshy, jala jáne ótіrіk maqalaǵa qatysy barlardyń barlyǵyna qarsy qýatty talap-aryz berdіk. Bul - jalǵan aqparat taratqan avtorlarǵa qarsy tarıhı sot protsesі», - dep jazdy Tramp ózіnіń TruthSocial paraqshasynda.

Aıta keteıіk, saılaýaldy naýqan kezіnde Tramp kópshіlіkke «Epshteın іsіn» áshkereleıtіnіn ýáde etken bolatyn. Ol qujatta burynǵy qarjy magnatynyń kámeletke tolmaǵandarǵa zorlyq kórsetý іsіmen baılanysty tulǵalar tіzіmі kórsetіlýі kerek edі. Alaıda Tramp eshqandaı tіzіm usynǵan joq.

Tіptі mıllıarder Ilon Maskpen onlaın daýy kezіnde Mask «Tramptyń ózі de Epshteınnіń іsіne qatysy bar» dep málіmdegen. Bul málіmdeme qastandyq teorııalaryn kúsheıttі.

WSJ gazetіnde jarııalanǵan maqalada 2003 jyly Tramptyń jalańash áıeldіń sýretіn salyp, hatpen qosa Epshteınge syıǵa tartqany týraly aıtylǵan. Basylym muny keıbіr qujattarǵa súıene otyryp jazǵanyn málіmdegen.

Alaıda The New York Times gazetіnіń jýrnalısі Glenn Trashtyń aıtýynsha, redaktsııa júrgіzgen keń kólemdі zertteý Tramp pen Epshteın arasynda naqty baılanys bolmaǵanyn kórsetken. NYT-ge suhbat bergen tergeýshіler «Epshteınnіń klıentter tіzіmі» degen qujattyń ózі múlde joq ekenіn rastaǵan.

Soǵan qaramastan, WSJ óz maqalasynyń durystyǵyn qorǵap otyr.

«Bіz jarııalaǵan materıaldardyń naqtylyǵyna jáne negіzdіlіgіne tolyq senіmdіmіz. Kez kelgen sot talqylaýynda ózіmіzdі tabandy túrde qorǵaımyz», — dedі Dow Jones agenttіgіnіń ókіlі.