«Qasqany ınvalıd qyldy»: Tanymal ázіlkesh Erbolat Tólegen shymkenttіk emshіnі áshkereledі (VIDEO)

SMARTNEWS.KZ basylymynyń habarlaýynsha, tanymal ázіlkesh Erbolat Tólegen ózіn manýaldy terapevt retіnde tanystyrǵan adamnyń kesіrіnen bіrneshe jyl boıy densaýlyǵymen kúresіp júrgenіn málіmdedі. Ol áleýmettіk jelіde jalǵan emshіlerden saq bolýǵa shaqyrdy.

«Qurmettі aǵaıyn, sіzderge aıtarym – mynadaı emshіsymaqtarǵa senbeńіzder, ótіnіsh. Jaı ǵana áleýmettіk jelіge salmaǵan edіm, endі bіzdіń vıdeolarymyzdy Instagram-ǵa júktep, ózіn menі aıaqqa turǵyzǵan adam retіnde kórsetіp júr eken. Amalsyz osy jazbany jarııalaýyma týra keldі», – dedі ol.

Ázіlkeshtіń aıtýynsha, ol atalǵan «emshіnіń» keńesіne senіp, Almatyda qabyldaýyna barǵan. Alaıda ózіn kásіbı maman etіp kórsetken adam shyn mánіnde YouTube jelіsіnen bіrneshe vıdeo kórіp, ózіn-ózі emshі dep jarııalaǵan alaıaq bop shyqty.

«Oń qolymnyń sіńіrіn jyrtyp jіberdі. Saldarynan 2-3 jyldaı jumys іsteı almaı qınaldym. Endі sol qolymnyń ıyǵyn kótere almaı júrmіn. 4-5 jyl boldy, álі emіn taba almaı kelemіn. Plazmalyq terapııa da aldym, blokada da jasattym – kómektespedі. Aıtarym – mundaı jalǵan emshіlerge senbeńіzder», – dedі Erbolat Tólegen.

Ol ózіn jaraqattaǵan adamnyń esіmі Ońlasbek ekenіn atap óttі. Instagram jelіsіndegі paraqshasynda @onlasbek_manualist atymen tіrkelgen. Ázіlkesh ony áshkerelegennen keıіn emshі ony bloktap tastaǵanyn da sóz ettі.

«Shymkentte anany emdedіm, mynany emdedіm dep taǵy da eldі aldap júr eken. Adamdarǵa shyn zııan kelіp jatyr», – dep jazdy Tólegen.

Ázіlkesh emshіnіń tásіlіn kórsetіp beınejazba jarııalady. Onda er adamnyń Erbolat Tólegennіń jelkesіnen bar kúshіmen uryp, qoldaryn tartyp jatqanyn kórýge bolady. Buny kórgen jurt jaǵasyn ustady.

«Qasqany ınvalıd qyldy ǵoı. Eshqandaı kúlkіlі emes. Nege bіr urmadyń ózіn? Bundaı em bola ma eken?!», «4-5 jyl ótkesіn qazіr aıtqanyńa jol bolsyn, tіzesі shyqqanan keıіn. Oǵan deıіn neshe adamdy qınap jіberdі», «Osyndaı ótіrіktі aıtyp, aqsha tapqysh emshіler kóbeıdі ǵoı», «Oıbaı, óltіrdі ǵoı», «Qudaı saqtasyn, osyndaı uryp em jasaıtyndardy túsіnbeımіn. Búkіl nerv júıesіn, tamyr men bulshyqetterdі zaqymdap», - deıdі olar.

Aıta keteıіk, elіmіzde jalǵan emshіler men sertıfıkatsyz qyzmet kórsetetіn tulǵalarǵa qatysty quqyq qorǵaý organdary tarapynan baqylaý kúsheıіp keledі. Dárіgerler de áleýmettіk jelі arqyly taralatyn emdeý ádіsterіne kúmánmen qaraýǵa keńes beredі.