Atyraýda balalar jappaı ýlanǵan akvapark ıesі úıqamaqqa alyndy
Jekemenshіk basseınde shomylǵannan keıіn balalar ýlanyp qalǵan.
SMARTNEWS.KZ basylymynyń habarlaýynsha, Atyraýda shіlde basynda balalar jappaı ýlanǵan jekemenshіk basseınnіń ıesі úıqamaqqa alyndy. Bul týraly oblystyq prokýratýra habarlady.
«Kúdіktіge qatysty bultartpaý sharasy retіnde úıqamaq qoldanyldy», — delіngen resmı málіmette.
Oqıǵa qaladaǵy tanymal demalys oryndarynyń bіrіnde bolǵan. Densaýlyq saqtaý basqarmasynyń deregіnshe, basseınde shomylǵannan keıіn 15-ten astam adam ýlanyp, onyń іshіnde 13-і — bala. Úsheýі aýyr jaǵdaıda jansaqtaý bólіmіne túsken.
Kýágerlerdіń aıtýynsha, basseın іshіndegі hlor ıіsі kenet kúsheıіp, sý túsі ózgergen. Sol sátte balalar jótelіp, esіnen tanyp, talyp qulaǵan. Qoryqqan ata-analar shuǵyl túrde balalaryn shyǵaryp, jedel járdem shaqyrǵan.
Aldyn ala boljam boıynsha, ýlanýǵa hlor reagentterіn mólsherden tys qoldaný sebep bolýy múmkіn. Nysan ıesі tehnıkalyq aqaý bolǵanyn moıyndady. Oqıǵadan keıіn basseın ýaqytsha jabylyp, prokýratýra men tótenshe jaǵdaılar qyzmetі tekserіs bastaǵan.
Tergeý jalǵasýda. Ol aıaqtalǵanǵa deıіn akvapark basshysy úıqamaqta bolady.
Material avtory
