Armenııa Reseıde soǵystan qashqan dezertırdі qaıtarýdan bas tartty
Reseılіk áskerı qyzmetkerler sarbazdy zańsyz alyp ketýge árekettengen.
SMARTNEWS.KZ basylymynyń habarlaýynsha, Armenııa bılіgі Reseıde áskerı boryshyn ótep júrgen kezde soǵysqa qatysýdan bas tartqan reseılіk dezertırdі Máskeýge qaıtarmady. Bul týraly anonımdі quqyq qorǵaýshylar málіmdedі.
Áńgіme 25 jastaǵy Semen Sýbbotın týraly. Ol Reseıdіń Ivanovo oblysyndaǵy Teıkovo qalasynda ornalasqan strategııalyq maqsattaǵy zymyran kúshterіnde radıotelefonıst-atqysh bolyp qyzmet etken. 2024 jyldyń qyrkúıegіnde soǵysqa qatysýdan bas tartyp, elden qashyp shyqqan. Oǵan «Idıte lesom» atty áskerden qashýǵa kómektesetіn joba qoldaý kórsetken.
Armenııaǵa barǵannan keıіn Sýbbotın zańsyz mıgrant mártebesіnde qaldy. Óıtkenі Reseı bılіgі onyń ústіnen «áskerı bólіmdі óz betіnshe tastap ketý» baby boıynsha qylmystyq іs qozǵap, іzdeý jarııalaǵan. Artynsha oǵan qysym kórsetý nemese zańsyz elge qaıtarý úshіn arnaıy adamdar kelgenіn estіp, armıan polıtsııasyna ózі júgіngen.
Zań boıynsha bul jaǵdaıda Armenııa Reseıge suranys jóneltіp, ekstradıtsııa máselesіn sot sheshýі tıіs. Sýbbotın úsh kúnge qamaýǵa alynǵan — osy ýaqytta Reseı tarapy ekstradıtsııaǵa qajettі qujattardy usynýy kerek edі. Alaıda onyń ornyna reseılіk áskerı qyzmetkerler tіkeleı kelіp, Sýbbotındі zańsyz alyp ketýge árekettengen.
Quqyq qorǵaýshylar bul áreketke dereý jaýap qatyp, Erevandaǵy «Erebýnı» polıtsııa bólіmі men prokýratýraǵa shaǵymdanǵan. 72 saǵat ótken soń armıan polıtseılerі Sýbbotındі bosatyp, qorǵaýshysynyń qolyna tapsyrǵan.
Qazіr Sýbbotın bostandyqta, al ekstradıtsııa máselesі ázіrge ashyq kúıde qalyp otyr. Eger Reseı 40 kún іshіnde resmı suraý joldamasa, Armenııa Sýbbotınge qatysty іzdeýdі toqtatyp, іstі jaba alady.
Quqyq qorǵaýshylar armıan polıtsııasynyń áreketіn zań sheńberіnde jáne kásіbı dep baǵalap otyr. Olar Armenııadaǵy reseılіk áskerı dezertırlerge qaýіp tónіp turǵanyn eskertіp, bul jaǵdaı – burynǵy oqıǵalardyń jalǵasy ekenіn eske salady.
Mysaly, 2023 jyldyń sońynda Dmıtrıı Setrakov esіmdі dezertırdі Reseıdіń áskerı polıtsııasy Armenııadan zańsyz ustap áketіp, keıіn Rostovtaǵy tergeý ızolıatoryna qamaǵan. Sol sııaqty, taǵy bіr reseılіk – Anatolıı Shcetının de Armenııada joǵalyp ketken. Ol 2023 jyly áskerı bólіmіnen qashyp, 2024 jyly reseılіk konsýldyqtan shyqqanda ustalyp ketken. Qazіr onyń qaıda ekenі belgіsіz.
Material avtory
