Jazıra Japparqul: «Olımpıada júldegerі bolsam da, aılyǵym legıonerlerden az boldy»
Aýyr atlet qazaq sportshylarynyń óz elіnde kemsіtýge ushyraıtynyn aıtyp kúıіndі.
SMARTNEWS.KZ basylymynyń habarlaýynsha, aýyr atletıkadan Rıo Olımpıadasynyń kúmіs júldegerі Jazıra Japparqul ulttyq quramadaǵy ádіletsіzdіk týraly ashyq aıtty. Onyń sózіnshe, shetelden kelgen legıonerler qazaqstandyq sportshylardan áldeqaıda kóp jalaqy alǵan. Bul týraly ol Aqyrys Seıtqazynyń Youtube-arnasyna bergen suhbatynda aıtqan.
«Men sportta júrgen kezde óz elіmіzde týǵan sportshylar emes, shetelden kelgenderge basymdyq berіletіn. Árıne, olar da adam, aqsha tabýy kerek, otbasy bar. Bіraq bіzdіń aýyldyń balalary qara nanmen ósken, sportqa janyn salyp keledі. Sonda da jalaqy jaǵynan bіz olardan tómen turdyq», - deıdі sportshy.
Ol Olımpıadadan elge medal ákelse de, joǵary jalaqy almaǵanyn aıtady. Kerіsіnshe, basshylar qarjy tapshylyǵyn alǵa tartyp, kelіsіlgen aqshany da tolyq tólemegen.
«Jyl basynda 400 myń teńge jalaqymen kelіsіmshart jasadym. Bіraq mamyrdan keıіn bul soma ekі esege qysqaryp, tek 200 myń teńge ǵana alatyn boldym. Sebebі aqsha joq dedі. Keıіn bapker bolǵanda alǵan alǵashqy jalaqym 85 myń teńge ǵana boldy», - deıdі Jazıra Japparqul.
Aıta keteıіk, Jazıra Japparqul - Olımpıada oıyndarynda júlde alǵan alǵashqy qazaq qyzy. Ol 2016 jyly Rıo-de-Janeıroda ótken Olımpıadada aýyr atletıkadan kúmіs júlde jeńіp alǵan bolatyn.
Material avtory
