«Sovet kezіndegі ádіsterdі qoldanyp júr»: Germanııada reseılіk shpıondar kóbeıgen

SMARTNEWS.KZ basylymynyń habarlaýynsha, Germanııanyń áskerı qarsy barlaý qyzmetі (MAD) Reseı arnaıy qyzmetterіnіń shpıondyq jáne gıbrıdtі áreketterі kúrt kóbeıgenіn málіmdedі. Bul týraly vedomstvo basshysy Martına Rozenberg aıtty.

Onyń sózіnshe, sońǵy bіr jylda tyńshylyq áreketter ekі esege artqan. Reseı tarapy qyrǵı-qabaq soǵys kezeńіndegі ádіsterdі qaıta qoldanyp, jańa quraldarmen áreket etýde.

«Bіz shpıondyq jáne gıbrıdtіk operatsııalardyń sany kúrt óskenіn baıqadyq. Áreketter keń kólemde árі agressıvtі túrde júrіp jatyr», — dedі Rozenberg.

MAD derekterіne sáıkes, Reseı tyńshylary Germanııadaǵy áskerı nysandar men ınfraqurylymǵa qatysty aqparat alýǵa tyrysqan. Jetkіzý jelіlerіne dıversııalyq áreketter uıymdastyryp, tіptі jalǵan aqparat taratý, kıbershabýyldar jasaý jáne elektrondyq tosqaýylǵa qarsy qorǵalǵan drondar ushyrý sekіldі áreketterge kóshken.

Sondaı-aq, reseılіk agentter Germanııaǵa úshіnshі elder arqyly kіrіp, senіm ornatýǵa tyrysady. Bul rette Reseımen baılanysy bar tulǵalar, sonyń іshіnde etnıkalyq nemіster men Reseıde týystary barlar nysanaǵa aınalýy múmkіn.

«Ekі azamattyǵy bar nemese Reseıge demalysqa baratyn nemіs sarbazdary men azamattar qaýіp-qaterge tap bolýy múmkіn. Olar qysymǵa ushyrap, yntymaqtastyqqa májbúrlenýі yqtımal», — dep eskerttі MAD basshysy.

NATO-daǵy mіndetter jáne jańa ókіlettіkter

MAD qyzmetіnіń jumys aýqymy Lıtvada nemіs áskerı brıgadasyn ornalastyrý aıasynda keńeıіp otyr. Jańa bólіmshede 5000-ǵa deıіn áskerı qyzmetker bolady. Germanııa NATO sheńberіnde áskerdі logıstıkalyq tasymaldaý ortalyǵy bolyp otyrǵandyqtan, sheteldіk barlaý agenttіkterіnіń nazarynda.

«Shpıondyqtan qorǵanýdyń eń tıіmdі joly — bul qaýіpke salmaqpen qaraý, belgіlerge muqııat nazar aýdarý jáne tıіstі organdarǵa ýaqtyly habarlaý», — dedі Rozenberg.