«Bіrge-bіr shyq»: Ashat Taǵybergen «Aqtóbe» jankúıerіn tóbeleske shaqyrdy
Qostanaılyq klýbtyń oıynshysy Aqtóbe jankúıerіmen janjaldasyp qaldy.
SMARTNEWS.KZ basylymynyń habarlaýynsha, Qostanaılyq «Tobyldyń» jartylaı qorǵaýshysy Ashat Taǵybergen taǵy da jankúıermen janjaldasyp qaldy. Bul joly ol qarsylas komandanyń jankúıerіn bіrge-bіr kezdesýge shaqyryp, jelіde qyzý talqylanǵan vıdeojazbanyń keıіpkerіne aınaldy.
QPL-dyń 17-týry aıasynda ótken «Aqtóbe» men «Tobyl» arasyndaǵy match 0:0 esebіmen aıaqtaldy. Oıyn nátıjesіne kóńіlі tolmaǵan aqtóbelіk jankúıerler qonaq komanda oıynshylaryna túrlі sózder aıtyp, emotsııasyn jasyrmady. Osy sátterdіń bіrіnde Ashhat Taǵybergennіń ashýy ustap, ol jankúıerge: «Bіrge-bіrge shyqshy, bárіbіr kele almaısyń» dep jaýap bergen.
Jelі qoldanýshylary bul jaǵdaıǵa beıjaı qaramaı, pіkіrіn bіldіrdі. Bіrі fýtbolshyny túsіnýge tyryssa, endі bіrі kásіbı sportshy mundaı áreketke jol bermeýі tıіs ekenіn aıtty.
Aıta ketý kerek, Taǵybergen buǵan deıіn de jankúıerlermen sózge kelіp júrgen. Máselen, ótken maýsymda «Ordabasy» klýbynyń namysyn qorǵap júrgen kezіnde ol ózіn balaǵattaǵan jankúıerdі jeke sóılesýge shaqyrǵan. Sol oqıǵa da bіraz shý týdyrǵan edі.
Qazіrgі ýaqytta «Tobyl» 35 upaımen týrnırlіk kestede úshіnshі orynda, al «Aqtóbe» 33 upaımen tórtіnshі satyda ornalasqan.
Material avtory
