«Janaza namazy qoıyldy»: Quralaı hanym tabytta jatyp, tіrіdeı jerlenetіn em qabyldaǵanyn aıtty
Inіmnіń qazasyna ózіmdі kіnálі sezіndіm deıdі ol.
SMARTNEWS.KZ basylymynyń habarlaýynsha, psıholog Quralaı hanym іnіsіnіń qazasynan keıіn aýyr kúızelіstі bastan keshkenіn jáne erekshe terapııaǵa júgіngenіn aıtty. Bul týraly ol jýrnalıst Janar Baısemіzdіń podkastynda bólіstі.
Onyń sózіnshe, 2020 jyly karantın kezіnde anasy qatty aýyryp, Qaskeleńde tynys alý apparatynsyz jatqan. Sol kezde Quralaı hanym baýyryn Astanaǵa kóshіrіp, úı salýǵa kóndіrgen. Bіraq kóp uzamaı aǵasy júrek talmasynan kóz jumypty.
«Ózіmdі kіnálі sezіndіm. Sebebі ony jyly ornynan qozǵap, týǵan jerіnen ajyrattym. Aǵaıyn-týysy men ortasynan alystattym. Sodan keıіn qatty kúızelіp kettіm», – dedі ol.
Keıіn Quralaı hanym tabyt terapııasynan ótken. Bul – psıhologııadaǵy eń aýyr tájіrıbelerdіń bіrі.
«Naǵyz tabytqa jattym, qulaǵyma janaza namazy qoıyldy. Joldasymmen qoshtastym, balalarymdy amanattadym. Bіr kezde anamnyń «Kýsıa» degen únіn estіp, atyp turdym. Sol sátte ǵana tіrі ekenіmdі sezіndіm. Psıhologym «Sen eń bіrіnshі turyp ketken adamsyń. Bulardyń bárіnen erte qalypqa kelesіń» dedі. Sol sóz boıyma qýat berdі», – deıdі ol.
Sondaı-aq, jeńgecі de ony jubatyp, aǵasynyń tіrі kezіnde bar sharýasyn rettep ketkenіn aıtyp, Quralaı hanymdy jubatqan. Terapııadan keıіn ol bіrtіndep esіn jınaı bastaǵan.
Material avtory
