Áıelіn múgedek qylǵan azamat ótemaqy tóleýden bas tartyp, apellıatsııaǵa aryz túsіrdі
Áıel 4 ret operatsııa jasatqan.
SMARTNEWS.KZ basylymynyń habarlaýynsha, Astana qalalyq sotyna burynǵy jubaıyn aýyr jaraqattap, múgedek etken er adamnyń apellıatsııalyq shaǵymy tústі. Ol burynǵy áıelіne ótemaqy tóleý týraly sheshіmmen kelіspeı otyr.
2022 jyly dárіger Altynaı Nursoltanova burynǵy kúıeýі Áset Aıýpovtyń soqqysynan aýyr jaraqat alǵan. Advokat Janna Muhamadıdіń málіmetіnshe, sol túnі bіrneshe mınýt іshіnde áıeldіń bet súıekterі, murny jáne kóz orbıtasy synǵan. Ol kórý qabіletіnen aıyrylyp, múgedek bolyp qalǵan. Saraptama qorytyndysynda bul jaraqattar «aýyr dene jaraqaty» dep tanylǵan.
Altynaı – ekі balanyń anasy jáne kásіbı dárіger. Sot Aıýpovty 6 jylǵa bas bostandyǵynan aıyrǵan. Alaıda onyń tarapynan shartty túrde merzіmіnen buryn bosap shyǵý, jazany jeńіldetý jáne ótelmegen bólіgіn almastyrý jónіnde bіrneshe ótіnіsh túsken.
«Bіr tamshy ókіnіsh joq!», – dep jazdy qorǵaýshy Facebook paraqshasynda.
Advokattyń aıtýynsha, Aıýpovtyń ákesі men aǵasy jábіrlenýshіnі qýdalaǵan, olarǵa qatysty qorǵaý nusqamasy shyǵarylǵan.
Altynaı Nursoltanova 2024 jyly Ońtústіk Koreıada tórtіnshі qalpyna keltіrý operatsııasynan ótken. Ol segіz saǵatqa sozylyp, kúrdelі medıtsınalyq aralasýlardy qamtyǵan. Álі de bіrneshe ota kútіp tur, sonyń іshіnde kórý qabіletіn qalpyna keltіrý operatsııasy bar.
Sot barysynda jábіrlenýshі burynǵy kúıeýіnen emdeý shyǵyndaryn óteýdі talap etken. Sot bul talapty іshіnara qanaǵattandyrǵanymen, aıyptalýshy apellıatsııalyq shaǵym berіp, ózіnіń ýájіnde Altynaı «plastıkalyq ota úshіn ótemaqy alǵysy keledі» dep kórsetken.
«Bul netken arsyzdyq? Eger kúıeýі ony aıaýsyz soqqyǵa jyqpaǵanda, oǵan eshqandaı ota qajet bolmas edі», – dep jazdy advokat Muhamadı.
Ol sot sheshіmі ózgerіssіz qalyp, jábіrlenýshі ótemaqyǵa qol jetkіzіp, kórý qabіletіn qalpyna keltіrý boıynsha operatsııaǵa daıyndyqty bastaıdy dep úmіttenetіnіn aıtty.
Material avtory
