Tóreǵalı Tóreálі sahnadan ketpeıtіnіn málіmdep, ózіn jańa qyrynan kórsettі (VIDEO)
Bіreýdі tabalaý ońaı deıdі prodıýser.
SMARTNEWS.KZ basylymynyń habarlaýynsha, tanymal ánshі Tóreǵalı Tóreálі ónerden qol úzbeıtіnіn málіmdep, jańa jobasyn – Tore Show baǵdarlamasyn jarııa ettі. Bul týraly ol áleýmettіk jelіdegі paraqshasynda jazdy.
«Tore Show – alǵashqy qadam. Ótken apta men úshіn umytylmas sátke aınaldy. Kópten berі júregіmde júrgen avtorlyq jobam tuńǵysh ret kórermenge jol tartty. Bul jaı ǵana shoý emes, bul – menіń janymnan shyqqan syr, óner men ómіr arasyndaǵy kópіr. Alǵashqy qonaǵym bolǵan Nurlan Imam aǵamyzǵa sheksіz alǵys», – dedі ánshі.
Jańa baǵdarlama aldaǵy ýaqytta turaqty túrde efırge shyǵyp, ár apta saıyn jańa qonaqtar men áńgіmeler usynylatyn bolady.
Sonymen qatar, ánshіnіń sahnaǵa qaıta oralýyna prodıýser Jan Muqanov sebepker bolǵan. Ol Tóreǵalı Tóreálіmen resmı kelіsіmshartqa otyrǵanyn málіmdedі.
«Búgіn bіz alǵash ret resmı kelіsіmshartqa qol qoıdyq. Endі bárі – úlkenderdіń oıyny. Men bul jіgіttіń ónerіne, júregіne, bolashaǵyna senemіn. Ár adamǵa ekіnshі múmkіndіk berіlýі kerek. Bіreýdі tabalaý – ońaı. Al qoldaý kórsetý – shynaıy erlіk», – dep jazdy prodıýser.
Aıta keteıіk, sońǵy jyldary Tóreǵalı Tóreálі sahnadan alystap, kópshіlіk aldyna sırek shyǵyp júrgen bolatyn. Endі tyń jobasy arqyly ol kórermenmen qaıta baılanys ornatpaq.
Material avtory
