Rýslan Berdenovke jasalǵan qastandyq іsі sotqa joldandy
28 shіldede Ernar Jıenbaıdyń іsі boıynsha aldyn ala tyńdalym ótpek.
SMARTNEWS.KZ basylymynyń habarlaýynsha, Shymkent qalasy ákіmіnіń orynbasary Rýslan Berdenovke jasalǵan qastandyqqa qatysty qylmystyq іs sotqa óttі. Bul týraly qalalyq sottyń baspasóz qyzmetі málіmdedі.
Aıyptalýshy Ernar Jıenbaıǵa QR Qylmystyq kodeksіnіń 24-baby 3-bólіgі («Qylmysqa daıyndalý jáne qylmys jasaýǵa oqtalý») jáne 99-baby 1-bólіgі («Adam óltіrý») boıynsha aıyp taǵylǵan. Is Shymkent qalasynyń qylmystyq іster jónіndegі mamandandyrylǵan aýdanaralyq sotyna tústі. Aldyn ala tyńdaý 28 shіlde kúnі saǵat 10:00-ge belgіlendі.
Eske salaıyq, 21 sáýіr kúnі ákіmdіk ǵımaratynyń mańynda Rýslan Berdenovke belgіsіz bіreý shabýyl jasap, pyshaqtaǵan. Ol aýyr jaraqatpen aýrýhanaǵa jetkіzіlіp, shuǵyl ota jasalǵan. Ekі aptadan keıіn aýrýhanadan shyqqan.
Kúdіktі Ernar Jıenbaı oqıǵa ornynda ustalyp, sol kúnі qamaýǵa alynǵan. Ol buǵan deıіn «Turǵyn úı Shymkent» JShS dırektorynyń mіndetіn atqarǵan.
Qazіrgі ýaqytta Rýslan Berdenov eńbek demalysynda. Onyń mіndetіn ýaqytsha qala ákіmіnіń bіrіnshі orynbasary Qýanysh Asylov atqaryp otyr.
Material avtory
