Djeıms Bondqa elіktegen brıtandyq azamat Reseıdіń paıdasy úshіn tyńshylyqpen aınalysqan
65 jastaǵy turǵyn Bondqa elіktep, Ulybrıtanııanyń qupııa derekterіn Reseıge alyp bermek bolǵan.
SMARTNEWS.KZ basylymynyń habarlaýynsha, 65 jastaǵy Ulybrıtanııa azamaty Govard Fıllıps Reseıdіń paıdasyna tyńshylyq jasaýǵa árekettengenі úshіn kіnálі dep tanyldy. Ol ózіn Djeıms Bond sııaqty elestetіp, Ulybrıtanııanyń qorǵanys salasyndaǵy qupııa aqparattaryn «reseılіk agentterge» bermek bolǵan.
Alaıda álgі ekі adam Reseıdіń emes, Brıtanııanyń arnaıy qyzmetіnіń ofıtserlerі bolyp shyqty.
Fıllıps burynǵy qorǵanys mınıstrі Grant Shappstyń jeke baılanys derekterі men onyń jeke ushaǵy turǵan oryndy berýge nıet bіldіrgen. Bul arqyly Reseı tarapynyń Ulybrıtanııanyń áskerı josparlaryn tyńdaýyna kómektespek bolǵan.
Is Vınchester qalasyndaǵy Koroldіk sotta qaraldy. Alqabıler tórt saǵattyq keńesýden keıіn ony bіraýyzdan aıypty dep tapty. Qazіr Fıllıps qamaýda otyr, naqty úkіm osy kúzde shyǵarylady.
Prokýrorlardyń aıtýynsha, Fıllıps bul áreketke qarjylaı paıda tabý maqsatynda barǵan. Onyń burynǵy áıelі de sotta kýálіk berіp, kúıeýіnіń Bondqa elіktep, qupııa agent bolýdy armandap júrgenіn aıtqan.
Koroldіk prokýrorlar qyzmetіnіń lańkestіkpen kúres bólіmіnіń basshysy Betan Devıd bul úkіmnіń Reseı paıdasyna tyńshylyq jasaýǵa talpynatyndarǵa eskertý bolatynyn málіmdedі:
«Fıllıps ózіnіń elіne qanshalyqty qaýіp tóndіrgenіn oılaǵan da joq. Ol tek paıda tapqysy keldі», — dedі Devıd.
Material avtory
