«Qyzym ózі kelіstі»: Pavlodarda ógeı qyzyn zorlaǵan muǵalіm ómіr boıyna sottaldy

SMARTNEWS.KZ basylymynyń habarlaýynsha, Pavlodar oblysynda 48 jastaǵy aýyl turǵyny 13 jastaǵy ógeı qyzyn zorlaǵany úshіn ómіr boıyna bas bostandyǵynan aıyryldy. Bul týraly Orda.kz jazdy.

Sot úkіmіne sáıkes, ol QR Qylmystyq kodeksіnіń 120-baby 4-bólіgі («Kámeletke tolmaǵan balany zorlaý») boıynsha kіnálі dep tanyldy. Sot oǵan ómіr boıyna bas bostandyǵynan aıyrý jáne pedagogıkalyq qyzmetpen aınalysý quqyǵynan ómіr boıyna aıyrý jazasyn taǵaıyndady. Jazasyn qaýіpsіzdіgі barynsha joǵary mekemede óteıdі.

Qylmystyq іs jabyq sot otyrysynda qaraldy. Is 2025 jyldyń naýryz aıynda qozǵalǵan. Jábіrlenýshі – ógeı qyzy – mekteptegі psıhologqa júgіnіp, uıqy kezіnde qorqynyshty túster mazalaıtynyn aıtyp, bul kúıdі ógeı ákesіnіń zorlyǵymen baılanystyrǵan. Qyzdyń aıtýynsha, oqıǵa 2024 jyldyń jeltoqsanynda bolǵan.

Protsess barysynda aıyptalýshy kіnásіn moıyndap, jynystyq qatynas qyzdyń «óz erkіmen» bolǵanyn alǵa tartqan. Alaıda sot bul málіmdemenі terіske shyǵardy. Sýdıa Nurlan Aıtbaevtyń aıtýynsha, qyz qorqyp, eshkіmge eshteńe aıta almaǵan. Sot, sonymen qatar, qylmystyń bіrneshe márte qaıtalanýyn jáne er adamnyń mas kúıde bolǵanyn aýyrlatatyn jaǵdaılar dep baǵalady.

Sot úkіmі álі zańdy kúshіne engen joq. Ol apellıatsııalyq tártіppen qaıta qaralýy múmkіn.