Tramp Obamany elge opasyzdyq jasady dep aıyptady

SMARTNEWS.KZ basylymynyń habarlaýynsha, AQSh prezıdentі Donald Tramp burynǵy prezıdent Barak Obamany memlekettіk opasyzdyq jasady jáne 2020 jylǵy saılaýdy burmalady dep aıyptady. Bul týraly ol 22 shіlde kúnі Aq úıde jýrnalıstermen kezdesý kezіnde málіmdedі.

«Bul — satqyndyq. Olar saılaýdy urlaýǵa tyrysty. Olar saılaýdy shatastyrýǵa, nátıjege áser etýge tyrysty. Olardyń ne іstegenіn elestetý de qıyn, tіptі basqa memleketterde mundaı bolmaǵan», — dedі Tramp.

Onyń aıtýynsha, demokrattar 2020 jylǵy saılaýdy ádeıі burmalaǵan. Tramp Obamadan bólek, onyń «serіkterіnіń» qatarynda Hılları Klınton men Djo Baıdendі de atady.

«Olardyń barlyǵy – bіr top. Olar falsıfıkatsııamen aınalysty, jáne sol úshіn ustaldy. Olar bul saılaýdy shyn mánіnde burmalady», — dedі AQSh prezıdentі.

CNN málіmetіnshe, AQSh-ta memlekettіk opasyzdyq úshіn eń aýyr jaza — ólіm jazasy.

Tramp bul málіmdemesіnde AQSh Ulttyq barlaý dırektory Týlsı Gabbardtyń ótken aptada jarııalaǵan esebіne súıendі. Qujatta Obama men onyń ákіmshіlіgі 2016 jylǵy prezıdenttіk saılaýǵa Reseıdіń yqpal etý áreketterіne qatysty barlaý aqparatyn «jasandy túrde qurastyrǵan jáne saıasattandyrǵan» delіngen.

Gabbardtyń aıtýynsha, demokrattar jeńіlgen soń Obama ákіmshіlіgі Reseıdіń saılaýǵa aralasýy týraly jalǵan esepter daıyndaǵan. Ol esepterde Reseı Tramptyń jeńіske jetýіne kómektestі degen aqparattar aıtylǵan. Alaıda, bul tujyrymdar saılaý aldyndaǵy barlaý baǵalarymen sáıkes kelmegen.

Sonymen qatar, Politico jazǵandaı, Obama ákіmshіlіgіnіń іshkі hat almasýlarynan belgіlі bolǵandaı, reseılіk hakerlerdіń saılaý júıesіne tіkeleı shabýyl jasap, nátıjenі ózgertetіndeı deńgeıde áreket etýі múmkіn emes bolǵan. Bіraq olar amerıkalyqtardyń senіmіne nuqsan keltіre alýy yqtımal dep eseptelgen.

Obamanyń baspasóz hatshysy Patrık Rodenbýsh Tramptyń aıyptaýlaryna jaýap berіp, olardy «negіzsіz jáne absýrd» dep atady.

«Bіz ádette Aq úıden shyǵatyn mundaı jalǵan árі kúlkіlі málіmdemelerge jaýap bermeımіz. Bіraq bul jolǵysy — tym shekten shyqqan. Ótken aptada jarııalanǵan qujatta 2016 jylǵy saılaýǵa Reseıdіń aralasýǵa tyrysqany jaıly keńіnen baıandalǵan. Alaıda olar daýystardy burmalaýǵa jetken joq. Bul qorytyndy 2020 jyly senattyń ekі partııaly barlaý komıtetіnіń baıandamasynda da rastalǵan», — dedі Rodenbýsh.