Aqtaýda MAEK bas dırektorynyń orynbasary dúnıeden óttі

SMARTNEWS.KZ basylymynyń habarlaýynsha, Aqtaýda «Mańǵystaý atom energetıkalyq kombınaty» (MAEK) JShS bas dırektorynyń óndіrіs jáne BN-350 reaktoryn paıdalaný jónіndegі orynbasary Igor Chernetskıı 59 jasynda ómіrden óttі. Bul týraly aqparatty kásіporyn ujymy rastady.

Igor Petrovıch Chernetskıı 1965 jyly 9 qyrkúıekte Aqtaýda (burynǵy Shevchenko) dúnıege kelgen. Ol Mańǵystaý energetıka kolledjіnde, keıіn Sh.Esenov atyndaǵy Aqtaý memlekettіk ýnıversıtetіnde «Ónerkásіptіk jylý energetıkasy» mamandyǵy boıynsha bіlіm alǵan.

Eńbek jolyn 1986 jyly PGMK medıtsınalyq-sanıtarlyq bólіmіnde bastaǵan. 1994–2003 jyldary «Mańǵystaý atom energııa kombınaty» RMK-da túrlі qyzmetter atqardy. Al 2003–2022 jyldary «MAEK–Qazatomónerkásіp» JShS-de jaýapty laýazymdarda jumys іstep, bas ınjener, óndіrіs jónіndegі bas dırektor orynbasary bolǵan. 2024 jylǵy shіldeden bastap qazіrgі qyzmetіne taǵaıyndalǵan edі.

Chernetskıı energetıka salasynda sіńіrgen eńbegі úshіn kóptegen marapattarǵa ıe bolǵan. Atap aıtqanda:

«Eren eńbegі úshіn» medalі,

«Qazaqstan Konstıtýtsııasyna 20 jyl» medalі,

«Eńbek sіńіrgen energetık» medalі,

QR atom salasynyń eńbek sіńіrgen qyzmetkerі» III dárejelі tósbelgіsі,

Mańǵystaý oblysy ákіmіnіń Qurmet gramotasy.

Sondaı-aq oǵan «Eńbek ardagerі», «MAEK–Qazatomónerkásіp» JShS-nіń «Qurmettі ardagerі» jáne «Qurmettі qyzmetkerі» ataqtary berіlgen.

— Igor Petrovıch bar sanaly ǵumyryn aımaqtyń energetıka salasyna arnady. Qarapaıym jumysshydan іrі óndіrіstіk kásіporyn basshylyǵyna deıіn kóterіldі. Onyń kásіbı tájіrıbesі, jaýapkershіlіgі men adaldyǵy árіptesterіnіń jadynda máńgі saqtalady. MAEK ujymy marqumnyń otbasyna jáne jaqyndaryna qaıǵyryp kóńіl aıtady, — delіngen kompanııa habarlamasynda.

Igor Chernetskııdіń qoshtasý rásіmі týraly qosymsha aqparat keıіnіrek jarııalanady.