Ýkraınaǵa qarsy soǵysqan qazaqstandyqqa Reseı azamattyq syılady
Reseı Ýkraınadaǵy soǵysqa qatysqan Qazaqstan týmasyna azamattyq berdі.
SMARTNEWS.KZ basylymynyń habarlaýynsha, Reseı IIM 24 jastaǵy Qazaqstan týmasyna azamattyq berýіn «ómіrlіk mańyzdy másele» dep atady.
23 shіldede Reseı IIM-nіń resmı saıty – «MVD Medıa» portaly — Ýkraınadaǵy soǵysqa (Reseıde bul «SVO» dep atalady) qatysyp, aýyr jaraqat alǵan Qazaqstan azamatyna reseılіk pasport berіlgenіn jarııalady.
«Qıyn jaǵdaıdy eskere otyryp, Soltústіk Osetııa-Alanııadaǵy mıgratsııa basqarmasynyń qyzmetkerlerі azamattyq rásіmіn barynsha jedel aıaqtady. Osylaısha, SVO qatysýshysy úshіn ómіrlіk mańyzdy másele sheshіldі», — dedі IIM resmı ókіlі Irına Volk.
Pasport alǵan azamattyń aty-jónі atalǵan joq.
Aıta keterlіgі, bul jańalyq IIM saıtynyń basty betіnde Qazaqstanǵa qatysty taǵy ekі habarmen qatar jarııalanǵan. Olar Reseı IIM basshysy Vladımır Kolokoltsevtіń Óskemenge sapary men QR IIM basshysy Erjan Sádenovpen kezdesýіne arnalǵan.
Qazaqstan zańnamasyna sáıkes, shet memleketterdіń qarýly qaqtyǵystaryna qatysý — qylmystyq áreket. Bul úshіn Qylmystyq kodekste «Sheteldegі qarýly qaqtyǵystarǵa qatysý» jáne «Jalaqy úshіn soǵysqa jaldaný» baptary qarastyrylǵan. Budan bólek, Qazaqstanda qos azamattyqqa zańmen tyıym salynǵan.
Material avtory
