Dúken ıesі qyzmetkerіn jertólede azaptaǵany úshіn qylmystyq jaýapqa tartylyp jatyr
Qyzdy dúkennіń jertólesіne kúshtep aparyp, kıіmіn sheshkіzіp, shashyn qıyp tastaǵany aıtylǵan edі.
SMARTNEWS.KZ basylymynyń habarlaýynsha, Ózbekstannyń Andıjan qalasynda áleýmettіk jelіlerde úlken rezonans týdyrǵan oqıǵa boıynsha qylmystyq іs qozǵaldy. Jergіlіktі býtıktіń ıesі óz qyzmetkerіn jalaqy qaryzy úshіn qorlap, zorlyq kórsetkenі anyqtalyp, prokýratýranyń baqylaýymen tergeý júrіp jatyr. Bul týraly jergіlіktі quqyq qorǵaý organdary resmı málіmdedі.
Tergeý derekterіne súıensek, 2024 jyldyń jeltoqsanynda býtıktіń qojaıyny óz qaramaǵyndaǵy qyzmetkerіn jertólege kúshtep túsіrіp, ony sheshіndіrіp, uryp-soǵyp, shashyn qıyp tastaǵan. Alaıda bul oqıǵa qoǵam nazaryna tek jýyrda ǵana taraǵan vıdeo arqyly belgіlі boldy.
Andıjan oblystyq IIB janyndaǵy tergeý basqarmasy atalǵan derek boıynsha Qylmystyq kodekstіń 138-baby 2-bólіgі (zorlyqpen bostandyqtan zańsyz aıyrý) boıynsha іs qozǵaǵan. Kúdіktі áıel ustalyp, qazіrgі tańda prokýratýranyń baqylaýymen tergeý amaldary júrgіzіlýde.
Qoǵamda qyzý talqylanyp jatqan taǵy bіr jaıt – bul áıeldіń áleýmettіk jelіde basqa qoldanýshylarǵa da jıі qoqan-loqqy kórsetіp, ózіnshe «jaza» qoldanatynyn aıtyp, qorqytýy.
Material avtory
