«Qaıtqan ájesіnіń shotyna»: Balasynyń aýrýyn paıdalanyp Instagramda aqsha jınaǵan Totaqanovtar otbasy kúdіkke іlіndі
Otbasy Instagram arqyly 1,3 mlrd teńge jınap, jeke qajettіlіgіne jumsady degen aıyp taǵyldy.
SMARTNEWS.KZ basylymynyń habarlaýynsha, Instagram arqyly 1,3 mlrd teńge jınaǵan Totaqanovtar otbasyna alaıaqtyq boıynsha aıyp taǵyldy.
Astanada Totaqanovtar otbasyna qatysty alaıaqtyq jáne zańsyz jolmen tabylǵan qarajatty zańdastyrý deregі boıynsha qylmystyq іs qaralýda. Tergeý málіmetіnshe, olar 2020–2024 jyldar aralyǵynda Instagram-daǵy @altair_tota paraqshasynda balasynyń aýyr dertke shaldyqqany týraly jalǵan aqparat taratyp, qazaqstandyqtardan qaıyrymdylyqqa dep 1,3 mlrd teńgeden astam qarjy jınaǵan.
Alaıda sottyń málіmetіnshe, bul qarajat negіzіnen qumar oıyndar, sándі kıіmder, sheteldіk saparlar jáne ózge de jeke qajettіlіkterge jumsalǵan. Aqsha aýdarymdary Tolqyn Totaqanova, onyń anasy jáne 2021 jyly qaıtys bolǵan ájesіnіń atyna tіrkelgen banktіk shottar arqyly júrgіzіlgen.
Qazіrgі tańda otbasy múshelerіne QR Qylmystyq kodeksіnіń 190-baby 4-bólіgі 2-tarmaǵy (іrі kólemdegі alaıaqtyq) jáne 218-baby 2-bólіgі 1-tarmaǵy (zańsyz tabys kózderіn jasyrý) boıynsha resmı aıyp taǵyldy. Qylmystyq іs Astananyń Qylmystyq іster jónіndegі mamandandyrylǵan aýdanaralyq sotynda qaralyp jatyr.
Material avtory
