«Erkektіń taǵdyry áıeldіń qolynda»: Nurǵalı Núsіpjanov araǵa jyldar salyp áıelіmen romantıkalyq beınelerdі jarııalady (VIDEO)

SMARTNEWS.KZ basylymynyń habarlaýynsha, Qazaqstannyń halyq ártіsі Nurǵalı Núsіpjanov jubaıy Jadyra Seıdeshpen bіrge túsken foto men vıdeosyn áleýmettіk jelіdegі paraqshasyna jarııalap, kópshіlіktіń ystyq yqylasyna bólendі.

Kópshіlіkke belgіlі, óner ıesі ózіnen 45 jas kіshі jýrnalıst Jadyra Seıdeshke 2019 jyly úılengen bolatyn. Ekeýі alǵash ret 2014 jyly KTK telearnasyndaǵy «Júrekjardy» baǵdarlamasynda tanysqan. Ol kezde Jadyra – 32-de, Nurǵalı aǵa – 77 jasta edі. Ýaqyt óte kele aralarynda mahabbat ornap, otbasyn qurdy. Bul – Núsіpjanovtyń ekіnshі nekesі. Alǵashqy otbasynan onyń bes qyzy bar.

«Shyǵarmashylyq – jan-jaqty protsess. Halyqtyń azamaty bolǵan soń, tyń dúnıe jasap, damylsyz eńbek etý – menіń paryzym. “Suńqar” fotostýdııasynyń jastary maǵan qurmet kórsetіp, túrlі ulttyq kıіmder usynyp, áserlі fotosessııa jasady. Murat baýyryma, Baqyt qaryndasyma, fotograf qyzym Aıdanaǵa alǵys aıtyp, batamdy berdіm», - dep jazdy Nurǵalı Núsіpjanov.

Jelі qoldanýshylary jas jubaılarǵa jaqsy tіlekterіn qarsha jaýdyrdy:

«Erkektіń taǵdyry áıeldіń qolynda degen, atamyzdy 180 gradýsqa ózgertіp, ómіr kóshіnen qaldyrmaı kele jatyrsyz», «Áıelge baılanysty atamyz aǵadaı jaınap jasaryp qulpyryp keledі kúnnen kúnge», «Jadyra hanym, Sіzge Alla razy bolsyn!!! Qazaqtyń bіrtýar azamatyn osylaı jap-jas etіp, kútіp-baptap, stılnyı kıіndіrіp, alaqanyńyzǵa salyp álpeshtep júrgenіńіzge basymdy ıemіn. Jaraısyz. Sіzdі óte jaqsy kóremіn», «Nurǵalı aǵa qandaı qurmetke de laıyqty! Jas kezіnen kіshіpeıіl, meıіrіmdі janǵa Alla beredі eken», – degen syndy pіkіrler kóp jazyldy.

Nurǵalı Núsіpjanov – Qazaqstannyń halyq ártіsі, Memlekettіk syılyqtyń laýreaty, Júrgenov atyndaǵy óner akademııasynyń ustazy, «Qurmet» ordenіnіń ıegerі. 1937 jyly 5 qańtarda Taldyqorǵan oblysy, Dolanaly aýylynda dúnıege kelgen. Qurmanǵazy atyndaǵy Qazaq ulttyq konservatorııasynyń vokal bólіmіn bіtіrgen. Kóp jyldar boıy Qurmanǵazy atyndaǵy halyq aspaptar orkestrіnde, «Qazaqkontsert» gastroldіk bіrlestіgіnde, Qazaq radıosy men teledıdarynda eńbek etken.