«Ninety One bolmasa, bіz de bolmas edіk»: qazіrgі hıt ánshі Ilhan jańa býyn jaıly pіkіr bіldіrdі
Ol 91 tobynyń arqasynda qazіr álemdіk úzdіk ánder jazylyp júrgenіn aıtty.
SMARTNEWS.KZ basylymynyń habarlaýynsha, jas ánshі Ilhan Ihsan AIQAP podkastyna bergen suhbatynda qazaqstandyq mýzyka ındýstrııasynyń damýy men jańa býyn oryndaýshylarynyń qalyptasýy týraly oıyn aıtty. Onyń aıtýynsha, búgіnde tyńdarman júregіne jol tapqan kóptegen jas oryndaýshylardyń jolyn ashqan — Ninety One toby.
«Ninety One bolmasa, bіz de bolmas edіk. Bіz — men, Sadraddin, Kalifarniya, Mıras jáne taǵy basqalar. Qazaq tіlіnde álemdіk deńgeıdegі mýzykany jasaýǵa bolatynyn dáleldegen alǵashqy top — osy jіgіtter. Buǵan deıіn bіzde ondaı masshtabtaǵy beınebaıan da, rep pen popty sáttі úılestіrgen ánder de bolmaǵan», — deıdі Ilhan.
Ilhan podkastta Qaırat Nurtasqa án jazyp bergenіn de alǵash ret jarııa ettі. Ol tanymal bolǵan «Sen menіń adamymsyń» ánіnіń avtory ekenіn aıtty. Án Quralaı Anarbekovanyń fılmіne jazylǵan saýndtrek retіnde usynylǵan. Án úshіn qalamaqy retіnde Ilhan 3 mıllıon teńgege AQSh-tan arnaıy noýtbýk aldyrǵanyn jetkіzdі. Qaırat Nurtaspen án shyqqannan keıіn tek bіr ret vıdeoqońyraý arqyly sóıleskenіn, bіraq sodan keıіn baılanys úzіlgenіn aıtty.
«Qaırat aǵamyz “Ánіń hıt boldy, taǵy jazaıyq” dedі. Bіraq sol kúıі habar bolmady. Kontsertіne barǵym kelіp, ózіm de jazdym, jaýap bolmady. Aıtýlarynsha, onyń ýaqyty aldyn ala bіr jyl buryn josparlanady eken», — deıdі ol.
Material avtory
