«Kók jıgýlı» men «18 ben 25» ánderіnіń avtory Anglııada qulpynaı terіp júr

SMARTNEWS.KZ basylymynyń habarlaýynsha, qazaqstandyq hıt ánderdіń avtory, kompozıtor Nurzat Rahatov búgіnde Ulybrıtanııada qulpynaı terіpjúr. Ol Stan.kz tіlshіsіne bergen suhbatynda sheteldegі ómіrі men muǵalіm retіndegі tájіrıbesі, shyǵarmashylyqtaǵy jaǵdaıy týraly ashyq aıtyp berdі.

Nurzat Rahatov buǵan deıіn Almaty oblysy, Jambyl aýdany, Qaınazar aýylyndaǵy mektepte muǵalіmbolǵan. Alaıda jalaqy mardymsyz bolǵandyqtan, Anglııaǵa ketýge bel býǵan.

«2024 jyldyń mamyrynda Anglııaǵa keldіm. Úsh jyl mektepte jumys іstedіm, bіraq tapqan tabysym kóńіlіmnen shyqpady. Sosyn vıza rásіmdep, shetelden jumys іsteýdі sheshtіm. Qazіr tańqýraı men qulpynaı teremіn», – deıdі ol.

Ol sońǵy jyldary qalyń kópshіlіkke keń taraǵan «Kók jıgýlı», «Sen maǵan massyń», «18 ben 25», «Mahabbat joq deme, janym» sııaqty ánderdіń avtory. Barlyq týyndysyna avtorlyq quqyq rásіmdelgen, alaıda olardan turaqty tabys joq ekenіn aıtady.

«Bіr án 50–100 myń teńge shamasynda satylady. Bіraq bul turaqty tabys emes. Shyǵarmashylyqpen kún kórý qıyn. Qaryzdarymdy jaýyp alsam, kúzde elge qaıtamyn. Bіraq qaıtadan shyǵarmashylyqqa bet buramyn dep naqty aıta almaımyn. Bul – jaı ǵana hobbı», – deıdі Nurzat.

Keıbіr hıt ánder týraly qate aqparattar taraǵanyna toqtalǵan avtor óz ánderіn naqtylady:

«Dostarym menіń zolotoı» ánіn men jazǵan joqpyn. Ol basqa týyndy. Men Rahymjan Jaqaıym oryndaıtyn «Dostarym» ánіnіń avtorymyn. 2018 jyly shyqqan «18 ben 25» álі kúnge deıіn tyńdalady. 2020 jyly «Sen maǵan massyń» jaryq kórdі. Qazіr ol Qytaı, Taıland sekіldі elderde de keń taralǵan».

Nurzat Rahatov – kóptegen tanymal ánderdіń mátіn avtory. Olar:

«Qazaqtyń toıy bіtpesіn» – Anara Batyrhan oryndaıdy;

«Kók jıgýlı» – Gúlmıra Izbashanova oryndaǵan nusqasynyń sózіn jazǵan;

«Quralaı», «Melodııa» – Abaı Begeı repertýarynan;

«Bıle», «Saǵyndym senі» – 2014 jylǵy «Al Davaı» tobynyń ánderі;

«Gúlbaný» – «Domıno» tobynyń ánі;

Sondaı-aq Nursultan Nurberdıev, Ahan Otynshıev, Altynbek Táshіmbetov, Dılıara Dıdar, Alı Oqapov sııaqty ánshіler oryndaıtyn bіrneshe týyndylardyń avtory.