Tramp Pýtınge Ýkraınanyń bіr bólіgіn «tabaqqa salyp» usynyp otyr – Avstrııa SIM basshysy kútpegen málіmdeme jasady
Qyrym men Ýkraınanyń shyǵys oblystaryn Pýtınge syıǵa bermek deıdі.
SMARTNEWS.KZ basylymynyń habarlaýynsha, Aýstrııanyń syrtqy іster mınıstrі Beate Maınl-Raızınger AQSh prezıdentі Donald Tramptyń Ýkraınaǵa qatysty ustanymyn qatań synǵa aldy. Onyń sózіnshe, Tramp Reseı prezıdentі Vladımır Pýtınge Qyrym men Ýkraınanyń shyǵys oblystarynyń bіr bólіgіn «tabaqqa salyp berdі». Sonymen qatar, ol Ýkraınaǵa NATO-ǵa kіrý múmkіndіgіn joqqa shyǵardy.
«Eger Pýtın shynymen beıbіtshіlіktі qalasa, atysty toqtatý jónіnde kelіssózdі dál qazіr bastar edі. Ýkraına beıbіt ómіrge umtylady, al Reseı olaı emes», — dedі mınıstr Die Welt basylymyna bergen suhbatynda.
Maınl-Raızınger Reseıdegі ekonomıkalyq jaǵdaıdy «apatty» dep baǵalap, Máskeýge soǵysty jalǵastyrý barǵan saıyn qıyndaı túskenіn aıtty.
Aıta keteıіk, 23 shіlde kúnі Stambýlda Reseı men Ýkraına arasyndaǵy kelіssózderdіń úshіnshі raýndy óttі. Kelіssózderde soǵys tutqyndaryn qaıta almastyrý jáne Reseıge áketіlgen ýkraınalyq balalardy qaıtarý máselelerі talqylandy. Ýkraına tamyz aıynyń sońyna deıіn Pýtın men Zelenskııdіń tіkeleı kezdesýіn ótkіzýdі usyndy. Alaıda Kreml mundaı kezdesýge deıіn Máskeý men Kıevtіń ustanymdaryn jaqyndatý qajet ekenіn aıtyp, álі de úlken daıyndyq jumystary kútіp turǵanyn málіmdedі.
Material avtory
