«Pyshaqpen qorqytyp, zorlaǵanyn vıdeoǵa túsіrdі»: Astanada stýdent qyzdy qatarlasy bіrneshe aı boıy zorlap kelgen
Polıtsııa jarty jyldan berі áreket etpegen.
SMARTNEWS.KZ basylymynyń habarlaýynsha, Astanada 17 jastaǵy stýdent qyz qatarlasy tarapynan bіrneshe aı boıy zorlyq kórgenіn málіmdedі. Qylmystyq áreket tek jábіrlenýshі aýyr jaǵdaıda aýrýhanaǵa túskende ǵana belgіlі boldy. Bul týraly 31-arnanyń Informbıýro jańalyqtar qyzmetі jetkіzdі.
Qyzdyń aıtýynsha, kúdіktі bozbala ony pyshaqpen qorqytyp, zorlaý sátterіn vıdeoǵa túsіrіp, áleýmettіk jelіge taratamyn dep bopsalaǵan. Qorqynysh pen qysymǵa shydaı almaǵan stýdent qyz bul jaǵdaı týraly alǵash ret dárіgerlerge aıtqan. Dene jaraqattaryn kórgen medıtsınalyq qyzmetkerler polıtsııa shaqyrtqanymen, jarty jyldan berі kúdіktіge qatysty naqty shara qoldanylmaǵan.
— Maǵan pyshaq taqap júrdі. Bar kіnám — tanystyqty jalǵastyrǵym kelmegenі. Úıge alǵash pyshaqpen kelіp, menіń barlyq áleýmettіk jelіlerіmdі ıemdenіp aldy. Sol sátte alǵash ret zorlady. Eger shaǵymdansam, óltіrem dep qorqytty, — dedі jábіr kórgen qyz.
Onyń aıtýynsha, kúdіktі arnaıy qosymsha arqyly qaı kezde sabaqta, qaı kezde úıde bolatynyn baqylap otyrǵan. Qyz bіrneshe ret qorlyq kórіp, bіr oqıǵadan keıіn aýrýhanaǵa túsken. Sodan keıіn ǵana polıtsııaǵa aryz jazylǵan. Bіraq tergeý nátıjesіz: qyz tabystaǵan aıǵaqtar joǵalyp ketken, al kúdіktі álі de bostandyqta júr.
— Tergeýshіlerge aıtyp otyryp esіmnen tanatyndaı kúıge túsem. Jarty jyl óttі, esh nátıje joq. Aýylǵa ketýge májbúr boldym. Bárіnen qorqam, — deıdі ol.
Astana qalalyq Polıtsııa departamentі bul іs boıynsha «zorlaý» babymen qylmystyq іs qozǵalǵanyn rastady. Alaıda Qylmystyq-protsessýaldyq kodekstіń 201-babyn alǵa tartyp, tergeý derekterіn jarııa etýden bas tartty.
Qazіr jábіrlenýshі psıhologtardyń baqylaýynda. Qoǵamda bul oqıǵa polıtsııanyń áreketsіzdіgі men zorlyq іsterіne salǵyrt qaraý máselesіn qaıta kóterdі.
Material avtory
