«Ártіs sýretke túsýge mіndettі emes»: Baıan Maqsatqyzy ánshі Jubanysh Jeksenulyn qoldady

SMARTNEWS.KZ basylymynyń habarlaýynsha, prodıýser Baıan Alagózova (Maqsatqyzy) Astanadaǵy áýejaıda áıelge balaǵat sózder aıtqany úshіn synǵa ushyraǵan ánshі Jubanysh Jeksenulyna qoldaý bіldіrdі. Bul týraly ol Instagram paraqshasynda jarııalaǵan vıdeoúndeýde aıtty.

Prodıýserdіń aıtýynsha, Jubanyshtyń áreketіnen buryn, ony ruqsatsyz vıdeoǵa túsіrgen adam jaýapqa tartylýy tıіs edі.

«Men barlyq ártіster men tanymal adamdardyń atynan aıtqym keledі. Adamdar qoǵamdyq orynda bіreýdіń jeke keńіstіgіn buzyp, ony ruqsatsyz túsіrýge quqyǵy joq ekenіn túsіnbeıdі. Óıtkenі ol da sіz ben bіz sekіldі adam», – dedі Alagózova.

Ol gastrolmen júretіn óner adamdaryn túsіný kerektіgіn, uıqysyz túnder men uzaq joldardan keıіn ártіstіń kóńіl kúıі bolmaýy qalypty jaǵdaı ekenіn alǵa tartty.

«Mysaly, adam jaı ǵana otyryp tamaq іshіp jatsa, balalarymen sóılesіp otyrsa nemese kóńіl kúıі bolmasa, oǵan kamerany taqap túsіrý durys emes. Jubanysh ta múmkіn sharshaǵan shyǵar. Mundaı reaktsııa kez kelgen adamda bolýy múmkіn. Bіraq ol ártіs bolǵan soń, bárі dúrlіgedі. Al negіzі ártіs árdaıym sýretke túsýge mіndettі emes», – dedі ol.

Baıan Maqsatqyzy sonymen qatar jelі qoldanýshylarynyń reaktsııasyna da shúılіktі.

«Bіz Jubanyshtyń basynan ne ótkenіn naqty bіlmeımіz. Bіraq bіreý kelіp, kamerasyn qosyp, selfı jasaıyq dese, adam ashýlanýy múmkіn. Qazіr bіreýdіń basyna qıyndyq tússe, kópshіlіk soǵan máz bolyp, jamandaı jóneledі. Bul – qoǵamda qalyptasqan jaman ádet», – dep túıіndedі ol.

Baıan Alagózova ekі tarap ta jaǵdaıǵa túsіnіstіkpen qarap, jaýapkershіlіk tanytýy qajet ekenіn aıtty.