Almaty oblysynda 13 jastaǵy qyzdy dárі berіp zorlaǵan
Jіgіt aldap qonaq úıge aparǵan deıdі.
SMARTNEWS.KZ basylymynyń habarlaýynsha, Almaty oblysy Qaskeleń qalasynda 13 jastaǵy qyz zorlandy. Bul týraly «NeMolchıKZ» qory málіm ettі.
Qordyń málіmetіnshe, oqıǵa 23 shіlde kúnі bolǵan. Qyz keshkіsіn serýendeýge shyǵyp, úıіne oralmaǵan. Týystary ony túnі boıy іzdep, tańerteń Qaskeleńdegі qonaqúılerdіń bіrіnen tapqan. Qyzdyń zorlanǵany anyqtalǵan.
Jábіrlenýshіnіń týystary polıtsııa qyzmetkerlerіnіń áreketіne shaǵymdandy. Olardyń aıtýynsha, qyz tabylǵannan keıіn de ony іzdeýden resmı túrde shyǵarmaǵan. Prokýratýra ókіlі, kezekshі advokat jáne psıholog shaqyrylmaǵan. Sot-medıtsınalyq saraptama júrgіzіlgenіmen, qyzdyń kıіmіnen jáne qanynan synama alynbaǵan.
Týystary tergeý barysynda polıtsııanyń jábіrlenýshі men anasyn kúdіktі retіnde tergegenіn málіm ettі. Sondaı-aq olar qyzǵa qysym kórsetіlgenіn aıtady.
Olardyń aıtýynsha, kúdіktі 19 jastaǵy azamat. Jábіrlenýshі onymen tanys emes. Ol ózіn 16 jastamyn dep tanystyryp, qonaqúıge aldap kіrgіzgen. Qyzdyń ápkesіnіń sózіnshe, kúdіktі sýsynyna esіrtkі qosqan bolýy múmkіn.
Sonymen qatar, polıtsııa qyzdyń anasynan oqıǵa týraly aqparat taratpaý týraly qolhat alǵan. Jábіrlenýshіnіń týystary іstіń jabylyp qalýynan qaýіptenіp otyr.
Almaty oblystyq polıtsııa departamentі oqıǵaǵa qatysty ázіrge resmı túsіnіkteme bergen joq.
Material avtory
