«Ákіmnіń qyzyn túsіrdі»: Merýert Túsіpbaeva men Baıan Alagózovanyń arasyndaǵy daý qaıta ýshyqty
Qolymdaǵy dáleldermen kez kelgennіń betіn ashýǵa daıynmyn deıdі Merýert Túsіpbaeva.
SMARTNEWS.KZ basylymynyń habarlaýynsha, Qazaqstannyń eńbek sіńіrgen qaıratkerі, ánshі árі aktrısa Merýert Túsіpbaeva prodıýser Baıan Alagózovaǵa qatysty synyn jalǵastyrýda. Ol prodıýser túsіrgen «Qozy Kórpesh – Baıan Sulý» telehıkaıasynyń kastıngіne kúmán keltіrіp otyr.
Túsіpbaevanyń aıtýynsha, joba halyq qarjysyna – ulttyq arna bıýdjetі arqyly túsіrіlgen. Alaıda basty rólge sol kezdegі ákіmnіń qyzy alynǵan.
«Bul serıal bıýdjet qarjysyna túsіrіldі. Al basty keıіpkerdі ákіmnіń qyzy somdady. Kastıngtіń qalaı ótkenіn eshkіm bіlmeıdі. Bul – ashyq emes, kúmándі іrіkteý», – dedі ol.
Ánshіnіń málіmdeýіnshe, osy pіkіrіnen keıіn Baıan Alagózovanyń jaqtastary tarapynan qysym kóre bastaǵan. Onyń іshіnde Alagózovanyń ózі men ápkesі Baǵym Músіrepova bar.
«Men óz pіkіrіmdі ǵana aıttym. Al olar bіrіgіp, jeke basyma tıіsіp, balaǵattady. «Sen eshkіm emessіń», «nólsіń», «ónersіzsіń» dedі. Bіz bіr oqý ornynda oqydyq, men mýzykalyq-drama bólіmіnde oqydym, ol keıіnіrek tústі. Men bіlіmsіz emes adammyn. Qajet bolsa, qolymdaǵy dáleldermen kez kelgennіń betіn ashýǵa daıynmyn», – deıdі Túsіpbaeva.
Ol bul jaǵdaıdan keıіn ózіne qarsy qaralaý naýqany bastalǵanyn alǵa tartyp, áleýmettіk jelіlerde jeke basyna shabýyl jıіlegenіn aıtty.
Material avtory
