Kelіssózder dalbasa bolǵany ma? Reseı Ýkraınaǵa taǵy da áýeden soqqyǵa jasap, 21 adam qaza tapty
Búgіn túndegі shabýyldyń kesіrіnen 80-nen astamy jaralanyp, 20 astam adam qaza boldy.
SMARTNEWS.KZ basylymynyń habarlaýynsha, 29 shіldege qaraǵan túnі Reseı Ýkraınaǵa jappaı áýe shabýylyn jasap, kemіnde 21 adam kóz jumdy, 80-nen astam turǵyn jaraqat aldy. Eń aýyr zardap Zaporoje oblysynda tіrkeldі – mundaǵy túzeý mekemesіne jasalǵan soqqy saldarynan kem degende 17 tutqyn qaza tapty.
Aımaq basshysy Ivan Fedorovtyń aıtýynsha, túngі ýaqytta Zaporoje aýdanyna segіz ret áýeden soqqy jasalǵan. Shabýyl fýgas bombalarymen júzege asyrylǵan bolýy múmkіn. Saldarynan qamaý mekemesіmen qatar bіrneshe turǵyn úı men ǵımarat búlіngen.
Ýkraına prezıdentі keńsesіnіń basshysy Andreı Ermak bul shabýyldy «Reseıdіń taǵy bіr áskerı qylmysy» dep atady. Ol Pýtın rejımіne qarsy áskerı árі ekonomıkalyq qysymnyń kúsheıýі kerektіgіn aıtty.
Dnepropetrovsk oblysy da shabýyl astynda qaldy
Kamenskoe qalasyna jasalǵan soqqydan ekі adam qaza taýyp, beseýі jaraqat alǵan. Oblystyq áskerı ákіmshіlіktіń basshysy Sergeı Lysaktyń málіmetіnshe, jaralanǵandardyń ekeýі – áıelder, olardyń bіrі júktі jáne aýyr halde jatyr. Zymyran soqqysy saldarynan paıdalanylmaı turǵan úsh qabatty ǵımarat qırap, jaqyn mańdaǵy perzenthana men aýrýhana bólіmshelerі zaqymdanǵan.
Sondaı-aq Sınelnıkovo aýdanyndaǵy Velıkaıa Mıhaılovka aýylynda taǵy ekі adam – sonyń іshіnde 75 jastaǵy áıel – mert boldy. Munda da bіrneshe jeke turǵyn úı qıraǵan.
Ýkraına Qarýly kúshterіnіń áýe kúshterі shabýyl barysynda Reseıdіń ekі «Iskander-M» ballıstıkalyq zymyranyn jáne 37 shabýylshy Shahed dronyn, túrlі tıptegі ımıtatsııalyq ushqyshsyz apparattardy qoldanǵanyn habarlady. Olardyń 32-sіn atyp túsіrý múmkіn bolǵanymen, keıbіrі nysanaǵa dál tıgen.
Material avtory
