«Qansha ýaqyt qajet bolsa da іzdeımіz»: Qorǵanys mınıstrі joǵalǵan tіkushaq ekıpajynyń týystarymen kezdestі

SMARTNEWS.KZ basylymynyń habarlaýynsha, Qorǵanys mınıstrі Dáýren Qosanov 30 shіlde kúnі іzdeý jumystary júrіp jatqan aımaqqa baryp, ekıpaj múshelerіnіń týystarymen kezdestі. Ol joǵalǵan áskerı tіkushaqtyń sebep-saldary tolyq anyqtalǵanǵa deıіn іzdeý jumystary toqtamaıtynyn aıtty.

«Bіz bul іstі sońyna deıіn jetkіzemіz. Qansha ýaqyt qajet bolsa da іzdeýdі jalǵastyramyz. Jaqyndaryna barlyq jaǵynan qoldaý kórsetіlіp jatyr. Bіz kún saıyn baılanystamyz jáne joǵalǵan jіgіtterdі tabý úshіn bar kúshіmіzdі salyp jatyrmyz», — dedі mınıstr týystarmen sóılesý barysynda.

Áýe qorǵanys kúshterіnіń qolbasshysy Asqar Izbasovtyń aıtýynsha, іzdestіrý jumystaryna nashar kórіný, Sorbulaq kólіnіń kúrdelі sýasty bederі men túbіndegі laı kedergі keltіrіp otyr.

Qorǵanys mınıstrlіgіnіń málіmetіnshe, joǵalǵan ekıpajdy іzdeýge 400-den astam adam, kınologııalyq toptar, 70-ten astam tehnıka, 21 júzý quraly, 10 dron, eholottar men sýasty skanerleý qurylǵylary jumyldyrylǵan.

ES-145 markaly áskerı tіkushaq 25 shіlde kúnі radardan joǵalyp ketken bolatyn. Qazіrgі ýaqytqa deıіn tіkushaqtyń keıbіr synyqtary ǵana tabyldy.