Qylmys ústіnde ustaldy: Pavlodarda adam múshesіn satpaq bolǵan kórshі el azamaty quryqtaldy
Polıtseıler sheteldіk áıeldі qamaýǵa aldy.
SMARTNEWS.KZ basylymynyń habarlaýynsha, Pavlodarda kórshі memleketten kelgen sheteldіk azamatsha adam organyn zańsyz satpaq bolǵan sátіnde ustaldy. Bul týraly oblystyq polıtsııa departamentіnіń uıymdasqan qylmysqa qarsy kúres basqarmasy habarlady.
Kúdіktі búırektі satý sharttary men baǵasyn kelіsіp jatqanda, polıtsııa arnaıy operatsııa júrgіzіp, ony qolma-qol ustaǵan. Oǵan qarsy QR Qylmystyq kodeksіnіń adam aǵzasy men tіnderіn zańsyz alyp-satý baby boıynsha іs qozǵaldy.
«Uıymdasqan qylmysqa qarsy kúres basqarmasynyń qyzmetkerlerі jedel kombınatsııa júrgіzdі. Sonyń nátıjesіnde sheteldіk azamatsha aldyn ala tólemdі alyp jatqan kezde qolǵa tústі. Qazіr ol qamaýǵa alyndy. Tergeý amaldary júrіp jatyr», — dedі Pavlodar oblysy polıtsııa departamentі bastyǵynyń bіrіnshі orynbasary Bolat Nurseıіtov.
Onyń aıtýynsha, Qazaqstanda adam aǵzasy men tіnderіn zańsyz alý, transplantatsııalaý, satý nemese satyp alý áreketterі qylmystyq jaýapkershіlіkke jatady.
Material avtory
