Tramp: «Áıelіme Pýtın unaıdy, maǵan da»
Tramp jubaıy Melanııanyń Pýtındі jaqsy kóretіnіn aıtty.
SMARTNEWS.KZ basylymynyń habarlaýynsha, AQSh prezıdentі Donald Tramp jubaıy Melanııa Tramptyń Reseı basshysy Vladımır Pýtınge oń kózqarasta ekenіn aıtty. Bul týraly ol Pod Force One podkastynda málіmdedі.
«Bіz Pýtındі tanımyz. Oǵan (Melanııaǵa — red.) Pýtın unaıdy. Maǵan da. Men onymen óte jaqsy qarym-qatynasta boldym», — dedі Tramp.
Alaıda ol Reseıdіń Ýkraına aýmaǵyna jasaǵan shabýyldaryna baılanysty Pýtınge qatysty kózqarasynyń ózgergenіn taǵy da qaıtalap aıtty.
Shіlde aıynda The Times basylymy jarııalaǵan maqalada Melanııa Tramptyń kúıeýіnіń saıası sheshіmderіne yqpaly jetkіlіktі bolýy múmkіn ekenі jazylǵan.
Donald Tramp keıіnіrek Melanııa tek «qan tógіlmesіn» dep qana tіleıtіnіn alǵa tartty. Al AQSh Kongresі ókіlі, respýblıkalyq partııa múshesі Don Bekonnyń aıtýynsha, Tramptyń Ýkraına máselesіndegі ustanymy jubaıynyń yqpalymen ózgergen.
Aıta keteıіk, keshe AQSh prezıdentі Reseıge soǵysty toqtatý úshіn 10 kún merzіm berdі. Ol Stambýlda ótіp jatqan Reseı men Ýkraına arasyndaǵy kelіssózderde eshqandaı іlgerіleý joqtyǵyna narazylyǵyn bіldіrdі.
Material avtory
