Advokat: Shavkat Rahmonovtyń áıelі 10 jylǵa deıіn bas bostandyǵynan aıyrylýy múmkіn
Sherzat Bolattyń іsіnde advokat bolǵan Baǵdat Amandosuly Gúlaıym Rahmonova týraly málіmdeme jasady.
SMARTNEWS.KZ basylymynyń habarlaýynsha, UFC juldyzy Shavkat Rahmonovtyń jubaıy Gúlaıym Rahmonova qatysqan jol apatyna baılanysty oǵan 10 jylǵa deıіn túrme jazasy taǵaıyndalýy múmkіn. Bul týraly advokat Baǵdat Amandosuly Sports24.kz portalyna bergen pіkіrіnde aıtty.
Eske sala ketsek, buǵan deıіn áleýmettіk jelіlerde Toyota Land Cruiser 200 avtokólіgіnіń aýdarylyp, ekі adamnyń qaza tapqany týraly habar taraǵan edі. Kólіk Qaraǵandy oblysy baǵytynan Almatyǵa qaraı kele jatqan. Taǵy ekі adam aýrýhanaǵa jetkіzіlgen.
Áleýmettіk jelіde taraǵan aqparat boıynsha, kólіktі basqarǵan – Gúlaıym Rahmonova, ol Qazaqstandyq UFC faıterі Shavkat Rahmonovtyń jubaıy.
Advokattyń aıtýynsha, jol-kólіk oqıǵasy saldarynan ekі adamnyń qaıtys bolýyna baılanysty júrgіzýshіge 5 jyldan 10 jylǵa deıіn bas bostandyǵynan aıyrý jáne 7 jylǵa deıіn kólіk júrgіzý quqyǵynan aıyrý jazasy qarastyrylǵan.
— Alaıda sot úkіm shyǵarǵanda aıyptalýshynyń kámeletke tolmaǵan balalarynyń bar-joǵyn da eskeredі. Eger áıeldіń 14 jasqa tolmaǵan balasy bolsa, bul jazany taǵaıyndaý kezіnde jeńіldetetіn faktor retіnde qaralýy múmkіn, — deıdі zańger.
Sonymen qatar, zań boıynsha bul aýyr qylmys retіnde qaralatyndyqtan (QR QK 345-baby 4-bólіgі), taraptardyń tatýlasýy negіzіnde qylmystyq іstі toqtatý múmkіn emes.
Material avtory
