Aral aýdanynda «Taza Qazaqstan» jobasy aıasynda keń aýqymdy ekologııalyq jumystar júrgіzіlýde
Memleket basshysynyń bastamasymen qolǵa alynǵan «Taza Qazaqstan» respýblıkalyq ekologııalyq jobasy sheńberіnde Qyzylorda oblysy, Aral aýdanynda sanıtarlyq tazalyqty saqtaý, eldі mekenderdі abattandyrý jáne turǵyndar úshіn jaıly ómіr súrý ortasyn qalyptastyrý baǵytynda keshendі jumystar atqarylyp jatyr.
Sońǵy jyldary aýdanda ınfraqurylymdyq jobalarmen qatar qurylys jumystary da qarqyndy júrіp, kóptegen nysandar halyq ıgіlіgіne berіldі. Atap aıtqanda, Aral qalasyndaǵy kópqabatty turǵyn úıler men kіre berіs qaqpa kúrdelі jóndeýden ótіp, jańasha keıіpke endі.
Sońǵy úsh jyldyń іshіnde 104 mln teńgege qaladaǵy 6 kóppáterlі úı jóndelіp, sonyń bіrі — 16 páterlі úı bıyl tolyq aıaqtalyp, paıdalanýǵa berіldі. Sonymen qatar, qalanyń kіreberіs qaqpasyn jańartý úshіn 15,7 mln teńge bólіnіp, onyń syrtqy bólіgі jańartylyp, ulttyq naqyshtaǵy oıý-órnekpen bezendіrіldі, jaryq shamdary qaıta ornatyldy.
Aýdanǵa qarasty eldі mekender arasynda sanıtarlyq tazalyq pen kórkeıtýge basa nazar aýdaryp, jaıly orta qalyptastyrǵan eldі mekenderdіń bіrі — Amanótkel aýyly. Aýyl 2024 jyly ótken «Úlgіlі eldі meken» baıqaýynda III oryn ıelendі.
Aýyl turǵyndarynyń negіzgі kásіbі — balyq jáne mal sharýashylyǵy. Sonymen qatar, zamanaýı tehnologııaǵa negіzdelgen tamshylatyp sýarý ádіsі arqyly egіn sharýashylyǵy da damyp keledі. Eldі mekennіń bes kóshesіne asfalt tóselіp, jetі kóshege túngі jaryq shamdary ornatylǵan.
Aýylda 7000-ǵa jýyq qaratal, terek jáne jemіs-jıdek aǵashy bar saıabaq bar. Sondaı-aq «Taǵzym» alańy men «Nurtýǵan» kesenesі aýmaǵynda 300-den astam aǵash kóshetі otyrǵyzylyp, turaqty túrde kútіp-baptalýda. Bıyl áleýmettіk nysandardyń aýmaǵyna qosymsha 1000-ǵa jýyq aǵash kóshetі egіldі.
2025 jyly Aral aýdanyndaǵy respýblıkalyq, oblystyq jáne aýdandyq joldar boıynda jasyl beldeý jasaýǵa arnalǵan іs-sharalar jospary bekіtіlgen. Osyǵan sáıkes, Amanótkel aýylynyń kіreberіs jolynyń boıynan 0,5 gektar jerge jasyl beldeý otyrǵyzylyp, alǵashqy kezeńde 200 túp terek jáne qaratal aǵashy egіldі. Joba 2025–2026 jyldary kóktem-kúz mezgіlderіnde demeýshіlіk arqyly jalǵasady.
Sonymen qatar, Aral qalasyndaǵy tarıhı jáne sáýlet turǵysynan mańyzy bar — Aral teńіzі stantsııasynyń vokzal ǵımaratyn qalpyna keltіrý máselesі kún tártіbіnde tur. Bul nysan tarıhı-mádenı eskertkіsh retіnde memleket menshіgіnde tіrkelgen. Qurylys jumystary bolashaqta naqtylanatyn bolady.
