«Nebárі 8 aı buryn úılendіk»: Joǵalǵan tіkushaqtaǵy ushqyshtyń jary júrek tebіrenter jazba jarııalady

SMARTNEWS.KZ basylymynyń habarlaýynsha, Almaty oblysyndaǵy Sorbulaq sý qoımasy mańynda bólshekterі tabylǵan EC-145 áskerı tіkushaǵyn іzdeý jumystary jalǵasyp jatyr.

Jýrnalıst Gúlmıra Ábіqaı tіkushaqta joǵalǵan ushqyshtyń jarynyń sózіn jarııalady. Ol súıіktіsіnen aıyrylyp qalam ba degen qorqynyshyn, іshkі kúızelіsіn jetkіzgen.

«Tabylmaǵan tіkushaqta jan jarym qaldy. Shańyraq kótergenіmіzge — nebárі 8 aı boldy. Vertoletta ekі pılot beldіgіn baılap otyrady, shyǵa almaı qalǵan ǵoı. Áıtpese, sekіrіp aman qalar ma edі…», — deıdі kóz jasyna erіk bergen kelіnshek.

Belgіlі bolǵandaı, 29 jastaǵy ushqysh Aman Amangeldі Aqtóbedegі ushqyshtar ınstıtýtyn támamdaǵan, alty jyldyq tájіrıbesі bar maman. Ol ótken jyldyń sońynda mýzykant Nuraı esіmdі boıjetkenmen shańyraq kótergen. Jas jubaılar álі bіr jyl da bіrge bola almaǵan.

Joǵalǵan tіkushaqty іzdeý jumystary besіnshі kún qatarynan júrgіzіlіp jatyr. Resmı aqparattyń mardymsyzdyǵy túrlі boljamdar men alyp-qashpa áńgіmelerge sebep boldy. Tіkushaq radardan Otar mańynda joǵalyp, al bólshekterі odan 200 shaqyrym qashyq jerden tabylǵany qoǵamda kúmándі kúsheıttі.

Sarapshylardyń aıtýynsha, Sorbulaq sý qoımasynyń túbі — batpaq, tereńdіgі 22 metrge deıіn jetedі. Oǵan qosa, Almaty qalasynyń kárіz sýlary osy sý qoımasyna quıylady. Osy faktorlar іzdestіrý-qutqarý jumystaryn edáýіr qıyndatyp otyr. Tіptі zamanaýı drondar da sý astynan naqty beıne túsіre almaı jatyr.

Tіkushaqta úsh ekıpaj múshesі bolǵan. Barlyq kúshter olardy tabýǵa jumyldyrylǵan.

«Bіr kórіpkel maǵan jeke jazyp, “Tіkushaqtaǵy adamdar altynshy kúnі tabylady” deptі. Erteń…», — dep jazdy jýrnalıst Gúlmıra Ábіqaı.