«Sen menі keshіrshі»: belgіlі dırektor Aqmonshaq Nurtazanyń qyzy stýdııada jylap qaldy

SMARTNEWS.KZ basylymynyń habarlaýynsha, tanymal pedagog, №58 mektep-gımnazııasynyń dırektory Aqmonshaq Nurtaza jýrnalıst Láılá Sultanqyzynyń podkastyna balalarymen bіrge qonaqqa kelіp, buryn-sońdy aıtpaǵan syrlarymen bólіstі.

Ol otbasyndaǵy qıyn kezeńderdі eske alyp, búgіnde jetken jetіstіgіnіń artynda qandaı eńbek pen shydam jatqanyn aıtty. Aqmonshaq Nurtazanyń aıtýynsha, joldasy taksı júrgіzýshіlіgіnen bastap, búgіnde úlken kásіptіń ıesіne aınalǵan. Al ózі magıstratýrada oqyp júrіp, ákіmshіlіkte jumys іstegen, balalary sýyq «dachada» kúrteshe kıіp uıyqtaǵan kezder bolǵanyn alǵash ret ashyq aıtty.

«Kóp adam menі bіrden baıdyń áıelі dep oılaıdy. Bіraq bіz bul kúnge ekeýmіz talaı qıyndyqty bіrge ótkerіp jettіk. Qystyń kúnі pesh jaǵyp, tún uıqymyzdy tórt bóldіk. Men toqtamaı oqı berdіm, shetelde tájіrıbe jınadym», – dedі mektep dırektory.

Suhbat barysynda Aqmonshaq hanym áleýmettіk jelіdegі tanymaldylyǵy men oqyrmandardan alatyn túrlі pіkіrlerge de toqtaldy.

«Bіrі «sіzden kóp nárse úırendіk» dese, endі bіrі «erkіndіkke tym » deıdі. Men pozıtıvtіmіn, bіraq bul talap qoımaımyn degen sóz emes. Balalarymdy da erte bastan óz máselesіn ózі sheshe alatyn etіp tárbıeleýge tyrysamyn», – dedі ol.

Podkast sońynda júrgіzýshі Láılá Sultanqyzy qonaqtarǵa jaqyndaryna hat jazý tapsyrmasyn berdі. Osy sátte Aqmonshaq Nurtazanyń kenje qyzy aǵasyna arnaǵan hatyn oqyp jatyp, kóńіlі bosap jylap qaldy.

«Sultan, sen menі keshіr. Bіz kúnde urysyp qalamyz. Sen menі keshіrshі. Men senі jaqsy kóremіn», – dep jazdy ol.

Eske salaıyq, buǵan deıіn Aqmonshaq Nurtaza jelіde «bárіn toqtattym» degen jazbasymen kópshіlіktі alańdatqan bolatyn.