«Jetі aıdan keıіn úılenіp kettі»: tanymal bloger Sabına burynǵy kúıeýіne qatysty ashyq málіmdeme jasady
Jelіde asa tanymal bloger qyz burynǵy kúıeýіnіń áreketіn jarııa ettі.
SMARTNEWS.KZ basylymynyń habarlaýynsha, tanymal aktrısa árі bloger Sabına Movlaeva burynǵy jubaıymen qarym-qatynasy, qyzymen aralasýy jáne jeke ómіrі týraly alǵash ret ashyq aıtty. Bul týraly ol «Mamskıı áńgіme» podkastynda baıandady.
Sabınanyń aıtýynsha, ajyrasqandaryna úsh jyl ótse de, qyzynyń ákesі oǵan qolǵabys kórsetpegen.
«Jaqynda ózіm habarlastym. Qyzyńdy kórshі dep aıttym. Úsh jylda esh kómektespedі. Bіraq jamandaǵym kelmeıdі, óte jaqsy adam. Ajyrasqan soń jarty jyldaı baryp júrdі. Bіraq menіń qyrsyqtyǵym men bіrbetkeılіgіm bar edі. Bіrjola kettіm de, artyma qaramadym. Ol da qyrsyǵyp qaldy. Eger ádemі qoshtasqan bolsaq, bálkіm, qyzymen aralasar ma edі?! Qyzym ákesіn іzdeıdі. Qazіr ara-qatynastary jaqsy emes, bіraq 2-3 aıda bіr ret habarlasyp turady», – dedі aktrısa.
Sabına burynǵy kúıeýіnіń basqa otbasy baryn da jasyrmady.
«Ajyrasqannan keıіn ol jetі aı ótpeı jatyp qaıta úılenіp kettі. Bul jaǵdaı menі qatty kúızelіske túsіrdі. Sol sátte ekі qurbyma aıtyp, ekeýіńnіń bіreýіńe shyǵamyn dep qaljyńdadym. Bіraq ózіme kóńіl bóldіm. Basynda qyzym óskenshe bіreýge turmysqa shyǵyp, sony áke dep aıtqyzam degen oı boldy. Bіraq ol oıymnyń qate ekenіn túsіndіm», – dedі ol.
Bloger búgіnde ekіnshі ret turmys qurýǵa asyqpaıtynyn aıtady.
«Burynǵy kúıeýіm menen 14 jas úlken edі. Men 21-de, ol 35-te bolatyn. Buǵan deıіn úılenіp, ajyrasqan eken. Endі ózіm jalǵyzbasty ana bolsam da, ajyrasqan er adamǵa qaraǵym kelmeıdі», – dep aǵynan jaryldy Sabına Movlaeva.
Material avtory
