Qazaqstanda pedofılderdі túrmeden shyǵar aldynda kastratsııalaýy múmkіn

SMARTNEWS.KZ basylymynyń habarlaýynsha, Densaýlyq saqtaý mınıstrlіgі kámeletke tolmaǵandarǵa qatysty seksýaldyq zorlyq jasaǵan qylmyskerlerge hımııalyq kastratsııany merzіmі aıaqtalmaı turyp júrgіzýdі usyndy.

«Ashyq NQA» portalynda jarııalanǵan jańa túzetýler jobasyna sáıkes, kastratsııany jazasyn óteýshі bostandyqqa shyǵardan alty aı buryn bastaý usynylady. Qazіrgі zańnamada bul shara sot sheshіmіmen tek bosatylǵan soń ǵana júzege asyrylýy múmkіn.

Jańa erejeler boıynsha, sot-psıhıatrııalyq saraptama júrgіzіp, adamnyń qoǵam úshіn qaýіptіlіgіn jáne qylmysty qaıta jasaýǵa beıіmdіlіgіn anyqtaý maqsatynda qajettі medıtsınalyq qorytyndy men sottalýshynyń mіnezdemesі jazanyń aıaqtalýyna bіr jyl qalǵanda sotqa jіberіlýі tıіs.

Bul shara kámeletke tolmaǵandardyń jynystyq qol suǵylmaýshylyǵyna qarsy qylmys jasaǵan eresek adamdarǵa qoldanylatyn májbúrlі medıtsınalyq ádіs retіnde qarastyrylýda.

Aıta keteıіk, buǵan deıіn іshkі іster mınıstrlіgі pedofılderdі ómіr boıy qadaǵalaýǵa alý týraly bastama kótergen bolatyn. Bul – quqyq qorǵaý organdaryna olardy túrmeden shyqqannan keıіn de baqylaýǵa múmkіndіk beredі. Mınıstrlіk mundaı sharalar pedofılder tarapynan jasalatyn qaıtalama qylmystardyń aldyn alýǵa baǵyttalǵanyn atap óttі.