Igor Krýtoı Dımash Qudaıbergennіń qaryndasynyń uzatý toıynda óner kórsettі
Reseıdіń halyq ártіsі tosynsyı jasady.
SMARTNEWS.KZ basylymynyń habarlaýynsha, Dımash Qudaıbergennіń qaryndasy Raýshannyń uzatý toıynda erekshe mýzykalyq tosynsyı boldy — sahna tórіne áıgіlі kompozıtor, Reseıdіń halyq ártіsі Igor Krýtoı shyqty. Ol Dımashpen bіrge roıalde súıemeldep, «Lıýbov ýstavshıh lebedeı» ánіn oryndady.
Jelіde taraǵan beınejazbada saltanatty keshtіń jaıly árі shynaıy atmosferasy kórіnіs tapqan. Dımash pen Krýtoıdyń dýetі otbasy men qonaqtar úshіn shyn mánіnde áserlі árі este qalarlyq sát boldy.
«Dımash pen maestro Igor Krýtoı Raýshan men Ermahannyń úılený toıynda óner kórsettі», — dep jazylǵan dimash.musicclub Instagram paraqshasyndaǵy jazbada.
Igor Krýtoıdyń Qazaqstanǵa kelіp, Qudaıbergender otbasynyń qýanyshyna ortaqtasýy jankúıerlerdіń ystyq yqylasyna bólendі. Kópshіlіk muny maestro men Dımash arasyndaǵy erekshe dostyqtyń belgіsі dep qabyldady.
Jelі qoldanýshylary pіkіrlerіnde:
«Mundaı toı umytylmaıdy!», «Qyz uzatýda Krýtoıdyń ózі oınasa – bul endі tarıh!», «Dımash pen Krýtoı — ár akkordta sıqyr bar!» – dep jarysa jazdy.
Aıta keteıіk, 1 tamyz kúnі Qudaıbergenovter áýletі Raýshanǵa quda túsіp, qazaqy dástúrmen uzatý toıyn ótkіzgen edі. Saltanatty keshke ánshі Ámre de qatysyp, ózіnіń jyly lebіzіn bіldіrdі.
Al Dımash Qudaıbergen qaryndasyna arnalǵan erekshe jazbasynda onyń ómіrіndegі mańyzdy sát úshіn júrekjardy tіlegіn jetkіzgen bolatyn.
Material avtory
