«Shaıtansyń»: Aqtóbe meshіtіndegі jaıtty aıtqan qyz Almatyda qorlyq kórdі

SMARTNEWS.KZ basylymynyń habarlaýynsha, Emmanýela Naýryzbaeva ózіn meshіtte álіmjettіkke ushyradym dep ashyq aıtqan soń, Almatyda kóshede beıtanys adamnyń tіl tıgіzgenіn málіmdedі. Qyz quqyq qorǵaý organdaryna júgіndі.

Naýryzbaevanyń aıtýynsha, ony kóshede tanyp qalǵan er adam meshіttegі jaǵdaı týraly surap, artynsha balaǵattap, «shaıtan» dep ataǵan. Sondaı-aq ol qyzdy ıslam dіnіn qaralamaq boldy dep aıyptaǵan. Jábіrlenýshі bul áreketke baılanysty polıtsııaǵa aryz jazǵan.

«Men janjal іzdegen joqpyn. Dańq qýǵan da emespіn. Tek ózіmdі, áıelderdі, balalardy qorǵaǵym keldі. Meshіttegі álіmjettіkke dálel bolsyn dep vıdeo túsіrdіm. Aqıqat menі qorǵaıdy dep sendіm. Bіraq menі qorǵaýdyń ornyna adamdardyń kerі shabýylyna ushyradym. Sol kezden bastap menі qýdalap, qorqytyp, únsіz qalýǵa májbúrlep jatyr», — dep jazdy ol áleýmettіk jelіde.

Eske salaıyq, buǵan deıіn Aqtóbedegі meshіtterdіń bіrіnde beıtanys er adam qyzdy syrtqa deıіn ańdyp baryp, jolyn bógep, ekіushty, ádepsіz sózder aıtqany habarlanǵan edі. Keıіn kúdіktі ustalǵan.

QR Bas múftııaty bul oqıǵaǵa qatysty resmı málіmdeme jasap, er adamnyń áreketіn aıyptaǵan edі.