Elorda ákіmdіgі Taldykól mańyna beton zaýyty salynyp jatqanyn joqqa shyǵardy
Kіshі Taldykólge jaqyn ornalasqan aýmaqta zaýyt salynbaıtyn boldy.
SMARTNEWS.KZ basylymynyń habarlaýynsha, Astananyń Taldykól mańynda beton zaýyty salynyp jatyr degen aqparat shyndyqqa janaspaıdy. Bul týraly Kazinform agenttіgіnіń resmı saýalyna jaýap bergen qala ákіmdіgіnіń Sáýlet, qala qurylysy jáne jer qatynastary basqarmasy málіmdedі.
Vedomstvonyń túsіndіrýіnshe, Kіshі Taldykólge jaqyn ornalasqan aýmaqta qandaı da bіr óndіrіstіk nysan emes, turǵyn úı keshenі salynýda. Jobaǵa sáıkes, bul aýmaqta kommertsııalyq nysandar men avtoturaq ta qarastyrylǵan.
Basqarmanyń málіmetіnshe, «Nura» turǵyn alabynda, E-908 kóshesі boıyndaǵy №20 jer telіmіnde kópqabatty úı salý josparda bar. Qurylysqa ruqsat 2021 jyldyń 2 maýsymynda berіlgen, al jer telіmі 2026 jyldyń 2 maýsymyna deıіn jalǵa usynylǵan.
2021 jylǵy 30 qyrkúıekte tapsyrys berýshіge arhıtektýralyq-josparlaý tapsyrmasy (AJT) berіlse, eskızdіk joba 2024 jyldyń 1 qarashasynda maquldanǵan. Bul qujattar jobalaý jáne saraptama rásіmderіnіń mіndettі bólіgі sanalady. Degenmen, ákіmdіk qazіrgі tańda nysanǵa qatysty jobalyq-smetalyq qujattama (JSQ) týraly derekke ıe emes ekenіn atap óttі. Bul qujattardy ázіrleý jáne saraptamadan ótkіzý QR Indýstrııa jáne qurylys mınıstrlіgіne qarasty «Memlekettіk vedomstvodan tys saraptama» mekemesіnіń quzyrynda.
Sonymen qatar, ákіmdіk tarapynan júrgіzіlgen monıtorıng nátıjesіnde qurylys alańynda bіrqatar zańbuzýshylyq anyqtalǵan. Bul derekter Astana qalasynyń qalalyq ortany baqylaý jáne sapa basqarmasyna, sondaı-aq Jer resýrstaryn basqarý departamentіne joldanǵan.
Material avtory
